MOBIN

營業中

休息中

位置係正麥花臣球場對面嘅樓上cafe，裝修以工業風格為主，主打自家製墨西哥菜，食物水準夠高質，午市仲有飲品半價優惠。南乳版德國豬手紫酸菜芝士餡餅 $88餡餅口感酥脆食落好香口，內裡豬手肉嘅咸香味加上紫酸菜嘅清新口感味道十分之夾，中間鋪上嘅酸忌廉同餅身嘅半溶芝士令味道更豐富，點埋佢哋嘅自製牛油果醬同粒粒蕃茄醬口味更一流😋。芝士牛肉漢堡 $128夾住大大隻流心蛋嘅芝士牛肉漢堡，一啖咬落係酥軟麵包繼而係爆開嘅香濃蛋漿，最後係主角濃郁芝士同超多汁牛肉漢堡扒，美味又夠juicy👍🏻。Mobin香烤蘋果焦糖醬甜脆餅 $108上面係雪糕同烤至金黃色嘅香甜蘋果，中間係鋪滿焦糖醬嘅甜甜脆餅，卜開脆皮後竟然仲有鬆軟海綿蛋糕，賣相同味道都非常出色嘅甜品。香料蜜糖檸檬薑汁氣泡水 $60飲落有陣好香嘅香料香味，味道甜甜酸酸咁仲有薑味餘韻，整體感覺好清新。紅莓水果酒 $60入面嘅水果有紅莓、蘋果、橙、藍莓等等，雖然叫水果酒但其實全無酒精，味道清新香甜好啱女士飲。