家賀屋

今晚跟Openrice搵食，生蠔同定食幾高質，二百幾唔算貴。大名壽司定食，有8貫壽司，當中最好食莫過於濃魚味嘅海鹽輕燒大本鮪魚腩同埋肥大肉厚嘅鮮日本帆立貝，師傅特選、肉質質感重嘅鯛魚都好食。今日湯品係三文魚麵豉湯、定食仲包括沙律、肉嫩嘅唐揚嫩雞，好豐富。呢度嘅吞拿魚好食，加上海膽唔算少份量，一個蔥吞拿魚腩海膽丼定食依然係2字頭，幾乎每啖飯都可以伴到同份量嘅吞拿魚腩，好爽！呢個set跟嘅日式燉蛋滑到可以瀡入口。睇人介紹呢度生蠔好似幾得，我都叫左兩隻日本蠔食，實測厚肉好新鮮，有海水味又乾淨。食海鮮配埋杯cocktail蘋果燒酎，酒香帶出左蠔嘅鮮甜，杯酒溫和之中有香甜嘅酒味，唔錯。