濟州燒肉食堂

營業中

休息中

🉐正宗韓燒體驗🉐韓燒雞牛豬魚海鮮特選黑毛和牛上貝身肉🐮食堂牛小排🐮 牛肉方面，揀咗兩款油脂分布比較平均，貪佢可以入口即溶嘅感覺😝就算唔小心燒耐咗，肉質都唔會鞋；特別後者更加可以選擇醬油口味，燒完更加惹味，超級推介！濟洲豪快黑毛豬拼盤🐷豬方面，因為唔識揀，所以諗住揀個黑毛豬拼盤，可以食到三款唔同嘅肉，包括五花肉，肥瘦分布平均，好成功燒到外脆內軟😁每日新鮮鰻魚🐟我哋兩個人食，所以揀咗半份，但估唔到份量都唔少，鰻魚好新鮮，又容易燒，燒完一啲腥味都冇，吱啲檸檬汁再點啲鰻魚汁，再帶出多啲魚既鮮味！食堂蘋果梨汁雞肉🐥呢款雞肉同樣好推薦，因為雞肉好容易就會燒得好韌，但係呢款就唔會，再加上有用嚟汁醃製過，所以有種甜甜嘅果香味。芝士生蠔🧀🦪朋友鍾意食蠔，話點樣都要試吓呢度嘅芝士生蠔，海量嘅蒜蓉加芝士一齊燒，好有去BBQ既風味！每隻生蠔肥美又大隻，值得一試！梳打🍹食燒肉又點可以唔飲番杯梳打爽一爽呢，今次就揀咗柑橘梳打，同埋濟州特飲，兩杯都好Fresh，解油膩感一流。