吉祥日本料理 (已結業)

呢間日本餐廳有好多選擇，呢日黎食午餐，有好多款午市套餐可以揀，想再flexible啲，今次就揀左12件自選壽司，$278就可以食盡各款高質壽司！今次點左三文魚腩、吞拿魚腩、鮫鰈、深海池魚、帆立貝、甜蝦、火炙左口魚邊、魴鮄、三文魚子、北海道海膽、蔥吞拿魚腩同金線鯛，除左常見既魚生，仲有好多好特別既魚生。魚生非常新鮮，我最鍾意就係北海道海膽，味道鮮甜，口感好Creamy。三文魚子軍艦都唔錯，粒粒魚子都好飽滿仲有肥美嘅吞拿魚腩，超正。