宮崎肉本舖 (已結業)

唔好以為放題一定係頹食，宮崎肉本舖就係高質嘅放題！呢度有幾個套餐，我哋食咗最經濟嘅$698套餐。先有一個拼盤有六款九州A5和牛，其中外後腿肉同埋五花腩可以無限追加！！！我哋追加左幾次，都keep到一開始嘅質素。肩里肌好食，油香十足！雞皮餃子我哋都鍾意食，最緊要燒脆啲！除咗和牛，仲有好多食物可以order，有內臟、黑豚、有日本地雞、有海鮮等等，完全係眼闊肚窄🥹我哋鍾意食內臟，肝同埋腎都有食。蟹味噌甲羅燒都係任食，好正！和牛餃子大大隻，飽滿多汁，係必食推介！我哋仲食咗沙律、炸物、甜品，真係飽到上心口😄