影片
港鐵銅鑼灣站 E 出口, 步行約4分鐘
繼續閱讀
開飯介紹
日本九州宮崎肉本舖香港店，主打宮崎A5桜花牛燒肉放題。店舖從宮崎自家農場引入原隻得獎桜花牛，確保牛肉質素之餘，亦得以供應各款稀有部位。放題亦供應和牛內臟、黑豚、雞肉等逾60款日本食材，為客人帶來最地道的口味。
繼續閱讀
營業時間
星期一至四
12:00 - 15:00
17:00 - 22:00
星期五至日
12:00 - 15:00
17:00 - 00:00
公眾假期
12:00 - 15:00
17:00 - 00:00
公眾假期前夕
12:00 - 15:00
17:00 - 00:00
以上資料只供參考, 請與餐廳確認詳情
相關文章
這家餐廳以宮崎和牛為招牌，提供A5級別的宮崎和牛拼盤，拼盤中包含了肩里肌、肩口肉、牛肋肉、內後腿肉、外後腿肉以及五花腩等多種精選部位。我們選擇了價值698元的特上放題套餐，該套餐主打6款A5宮崎牛，其中更有2款可供無限量享用。此外，還有超過60種小食和飲品供選擇，所有美食都係任叫。最鍾意佢除咗肉之外仲會有一啲季節限定嘅內臟，今次我哋有牛肝，雞就有雞肝雞芯，每一款都經過精心挑選，保證新鮮同質素。牛肝煎得外脆內軟，入口即化，帶有濃郁嘅牛香味；雞肝則細膩滑嫩，雞芯爽口彈牙，兩者都係不可多得嘅美味。餐廳仲會根據季節變化，不定期推出唔同嘅內臟選擇，每次嚟都有新驚喜，令人期待不已。對於鍾意食內臟嘅朋友嚟講，呢度絕對係一個不可錯過嘅好地方！不過俾啲貼士各位食肉獸，除咗肉以外啦都一定要食一啲沙律菜，綠色嘅食物先可以保持戰鬥力。估唔到佢連熟食都咁好，當中最欣賞佢嘅係和牛餃子同埋燒茄子。和牛餃子外皮煎得金黃酥脆，一咬落去，內裡嘅和牛肉餡鮮嫩多汁，肉香四溢，令人回味無窮。而燒茄子則烤得恰到好處，外皮微焦，內裡軟滑，搭配特製嘅醬汁，味道層次豐富，令人食到停唔到口！最後補返個茶漬飯，又解膩，又滿足。
繼續閱讀
早排心思思想食燒肉，去咗主打宮崎和牛嘅餐廳食返餐！我地揀咗$698嘅特上放題，主打6款A5宮崎牛，其中2款可以仼食，小食同飲品方面有超過60款，都係無限量任點任食，真係食肉獸嘅終極享受呀！ 最正係同生日訂座有多30分鐘，都幾抵！俾$100/位仲有得全年任飲啤酒，好吸引餐廳安排我地坐卡位，有維園景色，最緊要係私隱度一流，一邊食一邊望住個景，心情都靚晒！首先嚟嘅A5宮崎和牛拼盤有肩里肌、肩口肉、牛肋肉、內後腿肉、外後腿肉同五花腩，每塊肉都油花好靚，油脂分布完美！除咗燒肉，最愛雞嘅內臟，例如雞心、雞皮、雞腎，口感好特別！特別係雞腎，勁爽口！仲有好多野食都超正，例如炸生蠔，咬落好juicy ！仲有自家製A5宮崎牛餃子，呢個真係我最近食過最好味嘅餃子。仲有燒茄子，都好惹味，做得好出色！仲有白粟米、秋葵、牛油野菌，有錫紙裝住出嚟食，非常方便。最後甜品，我最鍾意食泡芙同Mow雪糕，都係必食之選，奶香濃郁，口感綿滑。宮崎肉本舖 (銅鑼灣)銅鑼灣糖街25-31號Sugar+ 6樓@miyazaki.nikuhonpohk地點打卡: 宮崎肉本舖 香港店#宮崎肉本舖 #銅鑼灣美食 #燒肉放題 #和牛 #日本菜 #放題
繼續閱讀
之前去過日本宮崎佢哋啲牛好正㗎😍原來香港有燒肉店係主打宮崎牛，好吸引呀！晚上出左半放題，價錢抵食好多。一坐低店員好快就比左碟肉我哋，有牛肋肉、外後腿肉、鹽蔥雞腿肉、肩口肉、外後肩、七味豚肉，側邊仲有唔同種類蔬菜🥬視覺效果一流，覺得餐廳真材實料😋裝修新淨抽油煙機系統勁，食完唔會好大浸油煙味。肩口肉超靚，肉質厚實成塊雪花❄️😋大火燒一陣就食得，脂感十足。七味豚肉肥瘦分別，比較薄身所以燒熟後好爽口👍🏻山賊汁九州和牛米餅🍘上邊有滿滿醬汁和牛配上脆米餅，和牛有啲脂肪好香，小食黎講一流。七味雞腎、七味雞肝、日式黑豚芝士腸、野菜盛合等等都係任叫任食，推🌟和牛黑松露餃子、芝麻手羽、餃子餡料滿滿，配上酸酸甜甜醬汁好好食！A5宮崎牛一之藏牛骨湯拉麵🍜入邊有超多和牛，湯底味道清！最後仲有甜品推薦3.6牛乳布丁，質感柔滑奶味香濃。宮崎肉本舖銅鑼灣糖街31號6樓
繼續閱讀
我都黎食過好多次，平均每3-4個月就黎！但今次體驗極差！要令我寫評價🙁首先，唔知係咪紅日過後，1月2日晚黎食，前台帶位長髮女同事話無$698個餐，得$898以上。咁我見今期open rice 做緊優惠卷 88折 購$100 ,入座前我就問呢位女同事係咪有得用？佢話「我哋無做優惠喎，個優惠完左架啦」 到入座後，我就覺得奇怪，明明優惠截止到二月尾，而且係同多間銅鑼灣餐廳合作。之後，埋單既時候，另外一位同事就話可以用🥹咁我就即買即用啦！但竟然聽到，一開頭帶位嘅長髮女同事細細聲問幫我哋埋單嘅同事，點解比我哋用個優惠？？😅 究竟呢間餐廳同open rice 做優惠活動 係隨機比顧客使用，定還是唔可以用？ 體驗感十分之差。另外，我哋一入座已經order晒熟食，入座後45分鐘都冇上過任何熟食，包括湯。全場當時得兩台客我哋係第一台，但都可以漏單。😰食物質素方面都差咗好多，牛肉除咗頭盤之外都唔值呢個價錢。熟食就還好嘅，因為本身我都鍾意呢間餐廳嘅熟食。最後，我都見呢間餐廳轉過幾次服務員，而服務越嚟越差，比牛角嘅價錢貴，但服務同食物質素仲差好多！唔值！！今次嘅體驗我唔會再喺呢半年內再黎！
繼續閱讀
今晚女朋友同我慶祝生日，知我不嬲鐘意食牛，所以bk左呢間喺銅鑼灣、專食宫崎和牛嘅餐廳，門口有晒獎狀同證書，未入已經知好掂今次叫左宮崎A5櫻花牛極上燒肉套餐，對住維園食特別開揚，用app點餐超級方便第一round咩部份都試啲，除咗基本嘅西冷之外，仲有肩口肉、五花腩、牛肋肉、肩里肌，無咁油脂重嘅外後腿肉、內後腿肉都有！店員建議我地由深紅色食到赤身粉嫩，咁樣先可以感受到和牛牛脂嘅變化。油脂比較重嘅肉，配上Wasabi係最好，可以中和返個油脂，即刻可以食多幾舊除咗和牛，其他嘢食都好有特色，建議試以下呢幾款日式小菜：蟹味噌甲羅燒淮山松葉蟹肉沙律胡麻豆腐菠菜沙律雞皮餃子黑松露餃子日式醬燒茄子最後甜品有密瓜雪糕同埋牛乳布丁，兩款都超好食，為呢餐飯畫上完美句號
繼續閱讀