好吃吃光

營業中

休息中

兩年前新開時嚟過食佢哋個月見海老蚵仔魯肉飯非常好食，宜家update咗menu，已經出咗加𡌺版「月見海老蚵仔鮭魚蝦籽魯肉飯」。之前淨係食蚵仔大蝦撈魯肉飯已經好好食，宜家仲加埋三文魚籽、蝦籽，多咗一份咸鮮同埋卜卜脆嘅口感。味道就梗係正喇，另外再叫咗塊炸排骨，雖然冇隔籬嗰間舖頭擺排骨咁大塊，但係身材炸得夠脆夠香口，唔會浸到腍晒。飲品就叫咗佢哋檸檬蜜糖愛玉，夠酸夠甜夠解渴。另外有試咗佢新出嘅甜品芋圓糖不甩，佢哋嘅芋圓QQ彈彈唔黐牙係好好嘅手工芋圓，糖不甩有花生、芝麻兩隻口味，我食呢隻芝麻好香好濃味，又唔會好甜，飯後叫一碟share啱啱好。