山見 (創紀之城五期(apm))

營業中

休息中

要講數一數二高質素嘅火鍋放題店，絕對係非佢莫屬，位於觀塘APM嘅「山見台式火鍋✨」，佢哋嘅火鍋放題，無論係肉類、海鮮抑或台式小食，都十分之有質素，而且環境舒適，座位闊落，絕對令人有一個愉快嘅用餐體驗。火鍋放題分別有不同等級肉類可以選擇，我哋選擇Lv3既「極品吃到飽」任飲任食100分鐘。極品吃到飽嘅火鍋配料有不同款式嘅肉類及海鮮，包括月見風門柳、牛五花、澳洲羊、沙白、墨魚滑等等多款火鍋配料，每款新鮮好味。而近期餐廳主題「澎湖遊✨」，餐廳嘅裝修充滿澎湖特色，令人置身於台灣旅遊一樣，而且佢哋有多款熟食，包括鹽酥雞、花枝丸、蛋餅、蚵仔麵線等等，款式可以媲美台式餐廳，款式多又好味。湯底方面，我哋點選咗鴛鴦鍋底，包括期間限定古早藥膳牛骨湯」及椰子鮮雞湯，椰子雞湯夠鮮夠甜，散發出陣陣椰子香味。藥膳牛骨湯夠曬濃郁，淡淡清香藥材味。另外，自助吧可享用50多款食品甜品及飲品，每款食物都非常有誠意，無論係火鍋配料及台灣小食都令人難忘，絕對食過翻尋味。