山見 (創紀之城五期(apm))

踏入山見台式火鍋店，第一眼就被濃厚的台式氛圍吸引，裝潢簡潔卻帶點懷舊味，令人彷彿走進一間地道台灣小店🥰 這次我選了Lv4 特選澳洲和牛海鮮吃到飽套餐✅ 限時120分鐘，聽起來緊張，但實際上時間綽綽有餘，可以慢慢品嚐😋 套餐的亮點，當然是那幾款和牛牛肉🥰 肩胛肉眼油花分布均勻，下鍋輕涮幾秒，肉質柔嫩又帶一點嚼勁🤗 無骨牛小排則油香更重，入口即化，配合湯底的清甜，完全不膩👍 至於牛扑肉則比較樸實，適合搭配醬料吃🤤 海鮮部分同樣精彩，原隻大海蝦新鮮彈牙，白鱔片滑嫩無腥味，而鮑魚與花膠、刺參，則為整體增添了一份奢華感😎 港式主題絕對是驚喜之作🌟 響螺片爽口帶鮮，黑毛肚則是火鍋老饕的心頭好，吸滿湯汁後越嚼越香🥰格仔餅和黑白煎堆仔，外脆內軟，還有爆漿咖喱魚蛋，瞬間把人拉回街頭小吃的場景🤗 最後配上一杯情懷紅豆冰，甜而不膩，冰涼透心，是港味的收尾😚 晚市限定的幾道熟食亦值得一試😋 霸王雞肉質嫩滑，瑞士汁雞翼鹹中帶甜，柱侯牛腩入味軟腍，完全是飯堂裡的安慰菜🤩 而滷水牛孖筋與海蜇頭則是下酒的好拍檔，味道濃厚卻不搶戲，剛好與港式主題相互響應😘 湯底方面，我選了上素蟲草木耳鍋🤗 湯頭清甜帶草本香氣，不僅能提鮮，還標榜補腎益肺、滋陰養顏、增強免疫力✅ 相比一般的麻辣或濃湯，這款養生湯底更適合長時間涮煮，既不會蓋過食材的原味，也讓人吃得舒服無負擔🥳 …查看更多

說到香港的台式火鍋，相信很多人會想起山見，的確山見的台灣小食選擇多又出色，單是任食台灣麵線及滷肉飯，已令人有回到台北的感覺，因此我們又來了😆✏️位置（9/10）：商場5樓,直達觀塘站非常方便✏️環境（9/10）：第一次來觀塘分店,比想像中新凈光鮮✏️服務（8/10）：掃碼下單，侍應會主動收碟，態度友善✏️食物（8/10）：選擇不少，尤其台式料理選擇比同類餐廳更多，味道普遍不錯🌟 Lv4特選澳洲和牛海鮮吃到飽套餐 - $388選擇Lv4因為可以免費加時30分鐘，還有包括肉類、海鮮、台式料理、炸物和甜品等等104款食材選擇😊🌟芫荽皮蛋豬骨鍋 - $18選了新推出的港式火鍋湯底，用料足而味道不錯，如果吃膩台式湯底的也可以試試😃簡單介紹下Lv4的食材，首先肉類有澳洲和牛肩胛肉眼、月見封門柳、無骨牛小排、嫩肩里肌肉、薄切牛舌芯、經典牛肉滑等牛肉，還有澳洲羊肩肉、美國穀飼黑毛豬、台南烏雞玉卷等等各式肉類，肉類整體質素不錯，其中嫩滑有牛肉香的澳洲和牛肩胛肉眼最值得一試😍海鮮方面，有花膠、原隻鮑魚、脆肉鯇魚片、砂爆魚肚、響螺片、福隆刺蔘、黃金鮮蝦球、原隻駅前海老、爽脆水魷等等19款，比其他放題選擇多，有鮑魚、魚肚、花膠等已加分不少，整體質素亦可以😉台式料理則有自助區的台灣滷肉飯、台灣麵線、手工糯米腸、爆漿咖哩魚蛋、台灣蔥油餅、蚵仔煎、酥炸椒鹽花枝丸、古早麻辣鴨血、桃園醉雞卷、宜蘭蔥肉餡餅等23款，個人最喜歡肯定是麵線及蚵仔煎，大家也要試試😋炸物有惡魔雞排、夜市鹽酥雞、甘梅地瓜薯條、脆炸雞卷、府城蝦捲、小酥肉、荔枝蝦球等16款，必點府城蝦捲及荔枝蝦球，爽脆味美，我太太也很喜歡😁餃子都有5款，包括山見和牛蛋餃、文師燕尾餃、玉井蛋餃、手工菜肉餃及懷舊魚皮角，而丸類基本都是自助區自取，包你食到飽😛餐廳特別分類了肉臟，其實也就是大家常食的爽滑牛骨髓、牛柏葉、鴨血及黑毛肚，不是你想像中的黑暗料理呢😃飲品提供自家製茶飲、各種品牌飲品、咖啡機（有我最愛朱古力）、茶包等，有冷有熱任君選擇，還可以加錢配台式茶飲及酒類等😘甜品主要有黑糖豆腐花、九份仙草、十分愛玉、花生及椰果芋圓，還有華西綜合豆腐花、爆谷、各式小蛋糕、雪糕，以及我最愛的Bulla及Melona雪條🥰食完用餐廳送的代幣夾波波抽獎，可惜最終都夾不到呢🎁🏠山見(觀塘) 📬觀塘觀塘道418號創紀之城五期(APM)5樓L5-1號舖…查看更多

唔係第一次食呢間台式火鍋店 質素依然keep得好好 對山見嘅印象係高質任食食材 而且選擇很多又會有定期更新的台灣各地主題食品 每次食都有新鮮感👉🏻呢次的主題係台灣外島 「澎湖」遊👉🏻期間限定的古祖藥膳牛骨湯底絕對係台式火鍋必點 湯底醇厚 無論煮蔬菜、肉定麵都好加分 搭配牛骨和蘿蔔 滋味更加豐富👉🏻Lv 4特選的和牛和海鮮吃到飽不容錯過和牛的紋路漂亮 肉味濃郁而海鮮如蝦、沙白和魚都好鮮甜 👉🏻亦有特色小食 澎湖炸蝦捲、炸蝦球、麻辣鴨血等 都好味 平時食任食火鍋本身好少會食熟食 但係山見我都食咗唔少👉🏻有啲少見又好食嘅火鍋食材 例如竹笙蝦包的口感都相當爽脆 讓人一口接一口👉🏻澎湖特有的水果「火掌」整成火掌梳打 十味道清新可口 非常適合配食火鍋👉🏻自助吧的選擇實在多樣 無論火鍋料、甜品、雪糕還是各式麵食 都好多選擇仲有多款台灣夜市小食 例如山見魯肉飯、山見麵線和澎湖海鮮粥 讓人感受到道地的台灣風味👉🏻甜品選擇種類繁多 除咗本身都有嘅仙草芋圓等 今期特色係澎湖黑糖豆腐花 微布甸質感有口感又滑順、豆味濃郁為呢餐劃上滿意嘅句號…查看更多

喜歡吃台式火鍋，特別是對它們的湯煱和食品有一定的要求，若要我選擇，我是情願以質量取勝。第一次來到APM山見，木系環境給人高檔又舒服，若早一點預訂，還可以坐在寛趟的靠窗位置。山見是吃到飽的台式火鍋，我們點了lv3極品級數，主要是肉類跟其他等級較高質一點，其他小吃可以在外的小食區任飲任食的呢！先點了麻辣和花膠雞湯底，麻辣鍋帶有濃厚的花椒與紅油香氣，辛辣刺激但不過分嗆喉，適合重口味呢，花膠雞湯有原條花膠，我們先喝雞湯，的確鮮甜滋潤。極品吃到飽內的嫩肩里肌肉和台南烏雞玉卷是我至愛，肉味香濃嫩滑，今趟還有特色主題「澎湖遊」系列 — 澎湖岀名海鮮，居然在山見吃到啖啖爽滑彈牙的澎湖蝦滑和手工竹笙蝦包。另外，外面還很多款式的台式小吃、飲品和甜品，款式多得有驚喜呢，其中必吃它的黑糖磁巴，軟軟糯糯，絕對是台灣的感覺，還有澎湖特式黑糖豆花，豆味香濃，另我吃了兩碗。120分鐘的吃到飽時間絕對足夠，吃飽後還走了去打卡，紅色郵筒和見山主題公仔咕𠱸，好可愛呢！非常滿足的圍爐，無論食材和環境都絕不馬虎，有驚喜！…查看更多

今日去咗APM嘅山見台式火鍋，真係飽到捧住個肚走！呢間人氣台式火鍋放題店，以正宗台灣美食同火鍋做賣點，真係吸引到我哋嚟試吓😂山見提供五種級別嘅吃到飽套餐，今次我哋就決定豪一次，試吓最高級別嘅「Lv5 殿堂日本A4和牛海鮮吃到飽」套餐！ 🐮 可以喺120分鐘內任食日本A4和牛、海鮮等82品美食，仲可以免費暢飲手工啤酒及台式飲品，真係超值！ 🤩而且，無論你揀邊個級別嘅套餐，都可以無限享用自助區超過50款食品、前菜、台式料理、甜品及飲品，真係選擇多到眼花繚亂！ 😵‍💫我哋今次食Lv5級別，除咗可以食到日本A4黑毛和牛、珍寶海扇蛤、廣島蠔等高級食材之外，仲可以食埋其他級別嘅食物，包括月建封門柳、薄切牛舌芯、澳洲羊舌肉、澳洲和牛肩胛肉眼、頂級無骨牛小扒、原隻鮑魚等，真係乜嘢都有得食！ 😋今次嘅主題係澎湖遊美食，所以仲有好多澎湖特色美食，包括竹笙蝦包、黃金酥蝦、火掌梳打、金沙蝦球、澎湖蝦滑、炸九層塔花枝丸、澎湖海鮮粥、黑糖豆腐花等，真係充滿台灣風味！ 🇹🇼自助區方面，無限享用超過50款食品、前菜、台式料理、甜品及飲品，包括滷肉飯、鹽酥雞、珍珠奶茶、芋圓、仙草凍等，真係令人食到停唔到口！ 🤤整體嚟講，山見台式火鍋位於APM上面，地理位置非常方便，而且環境舒適，店員嘅服務態度都幾好，食物質素亦都唔錯，真係一個唔錯嘅選擇！…查看更多

周末近近地去APM「山見」食台式火鍋放題，今期仲有港式懷舊主題小食，一次食哂港台風味！ ◆ 今次揀咗Lv4套餐（$388/位），貪佢可以免費多30分鐘，仲有104款食材任食，由澳洲和牛到港式小食都包晒！ 湯底揀咗蟲草木耳鍋，另外（+$18）芫荽皮蛋豬骨鍋，豬骨湯底夠濃，芫荽同皮蛋份量足！ 🥩 澳洲和牛肩胛肉眼油花勻稱，牛味濃又嫩滑；月見封門柳蘸蛋液食更滑溜。 美國黑毛豬、無骨牛小排都係高質之選。鍾意食內臟嘅可以試牛骨髓、黑毛肚！ 🦐 海鮮有原隻鮑魚、爽脆水鱿、花膠、響螺片等等..特別係黃金鮮蝦球、大海蝦，新鮮彈牙。🍢 港台小食：台灣麵線、台灣香腸、滷肉飯、蚵仔煎都有。 碗仔翅料多濃稠、花雕雞、麻辣鴨血都係必點！🍧 甜品都好多款，自助區有小蛋糕。雪糕係自家制，冬瓜茶、豆腐，話梅雪糕幾特別！仲有Bulla同Melona雪條試埋十分愛玉椰果芋圓，愛玉清爽芋圓煙韌，解膩一流。仲有華西綜合豆腐完美作結。$400左右有齊和牛、海鮮、多款地道小食同甜品，性價比高！ …查看更多

下班後想大吃一頓，聽聞一台食火鍋推出港式主題活動，吸引我前來一探環境寬敞明亮，木桌座位舒適，氣氛熱鬧又溫馨晚市LV.4兩小時，再免費額外加時半小時，特選和牛海鮮吃到飽自助吧超過50款食材無限供應，小食如魚蛋、碗仔翅等富本土情懷鴛鴦鍋芫荽皮蛋豬骨鍋拼上品蟲草木耳鍋，港式風味濃厚:)澳洲和牛肩胛肉眼薄切油花均勻，口感嫩滑，牛香濃郁CAB牛頭牛扑肉肉質結實，紋理清晰，嚼勁十足原隻鮑魚肉厚光澤，軟嫩彈牙；海水鹹香，鮮美無比:)…查看更多

觀塘台式火鍋店，裝修玩懷舊台灣火車站主題，紅磚牆+鐵路路牌打卡味濃！星期日朝早接近全滿但冷氣夠勁，抽風系統做得幾好，食完冇成身油煙味。侍應阿姐手腳爽快，換碟收碗唔使揚手，醬料區長期補滿蔥蒜同秘製沙茶醬🥣 湯底雙拼｜清香 vs 惹味對決- 芫荽皮蛋豬骨湯底 ： 滾5分鐘飲啖湯，清甜似屋企煲嘅菜湯，唔會油膩，涮海鮮同豆腐索盡清香，怕重口味必試。 - 青花椒麻辣湯 ： 麻香行先，辣度溫和（啱廣東人胃口）！鴨血同凍豆腐吸湯爆汁，湯底鹹淡啱啱好，飲完喉嚨冇口渴感。 🐮 頂級本地牛｜新鮮到會發光脂肪紋理靚過大理石，夾起透燈光✨，涮8秒變粉嫩。入口軟滑無筋，牛味濃中帶甜，點少少炸蒜茸已經好食到拍枱。港式懷舊三寶｜火鍋店隱藏彩蛋1. 滷水牛筋： 炆到啫喱咁duang duang震！用筷子輕輕一夾就斷，入口即溶，滷水香料溫和唔搶，膠質黏唇勁過骨膠原面膜。 2. 瑞士雞翼 ： 瑞士汁甜度克制唔死甜，雞皮煮到皺皺地，咬落黐住啲汁，入味到連骨都有味！ 腐竹糖水 ： 驚喜度爆燈！腐竹煲到融化起沙，甜度似阿婆家常版，食完麻辣鍋飲一碗即刻降溫。 仲有好多台式野食，有台灣腸，芋圓甜品等，好似去左台灣咁最最最驚喜係遠處都嗅到勁香既爆谷，係到放題任食，真係超開心野飲小食甜品全部種類極多 好enjoy呢餐😍…查看更多

今日突然想打邊爐，去咗呢間試半自助放題。我哋叫咗一個$98一個$148，75分鐘好夠食。最鍾意係出面有好多台式食物任攞，例如台灣麵線滷肉飯等等，仲有我最鍾意嘅蟲草花。食到好飽仲可以任飲🥰…查看更多

今晚收工同朋友去Apm食飯，見呢間menu好吸引就揀左食山見台式火鍋🥰我哋揀左LV4特選澳洲和牛海鮮吃到飽套餐，湯底就揀左青花椒麻辣湯及牡丹美人鍋。湯底超香，麻辣火鍋唔係得死辣👍美人鍋則夠鮮甜，養生🙂‍↕️餐廳會先上一碟澳洲和牛肩胛肉眼，超大碟！肉眼油花分布均勻，入口軟嫩多汁，無論涮邊個湯底，都能帶出肉本身的鮮甜。其他肉類同海鮮等配料就可以自助點餐，叫得lv4就當然要食呢個Lv 先有既食物啦！特別推介海蝦、白鱔同埋原隻鮑魚，每一款都好有水準，無腥味且口感彈牙。另外有啲小食都係點餐嗌既，包括蒜茸粉絲蒸扇貝等等，我一個人都食左4隻🤣出面自助區提供多款丸類、蔬菜與菇類，任君選擇。至於熟食區就有各款特色台式小食，如台灣腸、薯條、還有藥膳雞爪等。本身已經有好多款無酒精飲品任飲，但如果想飲啤酒，加$18就可以任飲生啤，好抵😱山見定期會有主題火鍋，今期就係港式情懷😍除左湯底多左芫荽皮蛋豬骨鍋外，仲有多款期間限定既火鍋配料及熟食😛私心推介一定要試吓響螺片，灼一灼就食得，超爽滑！至於小食呢就有我最愛嘅格仔餅同煎堆，連紅豆冰都有得任飲😂😂甜品同雪糕都有好多款，特別推介豆腐雪糕，豆味香濃👍食完仲可以出門口玩夾公仔機，可惜我今次夾唔到獎，下次要再接再厲😂…查看更多

識呢間係因爲同事食完好正，咩都有D但又樣樣都幾好味，終於可以到我去食！非常推薦Lv4 特選澳洲和牛海鮮吃到飽套餐！好正。湯底揀鴛鴦鍋可以試兩個湯底： 古早牛骨湯&芫荽皮蛋澳洲和牛係一開始就比你，超多一定食唔曬，顔色鮮艷又好濃牛味，而家夠薄爽口，幾秒就食得！！而肩胛肉、牛爽腩的牛味都很濃。蝦大隻、沙白鮮甜，鮑魚色水不錯。最近仲有係港式主題食物，點左碗仔翅、格仔餅同腐竹鷄蛋糖水，都好味。連蚵仔煎都有，值得來。食得台式火鍋仙草點少得芋圓！芋圓不硬好軟糯，最推薦澎湖黑糖豆腐花。另外仲有芝士蛋糕等等。總括來講，食物好有質素，牛肉真係好好味，鍾意打邊爐一定要來試下👍🥢山見 (創紀之城五期(apm)) 🌏觀塘觀塘道418號創紀之城五期(apm)5樓L5-1號舖…查看更多

山見台式火鍋提供100至120分鐘的火鍋放題，有不同級別的套餐選擇。每一個套餐所提供的食品都有不同，除了可在手機scan QR Code 點餐外，自助吧也提供超過50款食品、飲品及甜品供享用。澳洲和牛肩胛肉眼，油花平均，肉味濃，質地腍口。另外也點了牛小排和牛扎肉，牛味也濃郁。海鮮方面，花膠、海蝦、福隆刺参、鮑魚及白鱔片都新鮮彈牙。飲品有冷泡茶、罐裝及纸包飲品。…查看更多

山見係觀塘開咗咁耐一直都未去試今次朋友請食LUNCH 超出我想象 依加山見係我係觀塘區任食火鍋嘅認知範圍最正嘅一間！門口粉紅色拱門非常少女感 裡面有大玻璃窗 望住對面環境唔錯嘅凱匯 成個感覺都已經遠勝一籌阿LV1精品吃到飽都有55款食物 成人$188/位 而最高LV嘅LV5就係殿堂日本A4和牛海鮮 $458/位今次我哋食LV4特選澳洲和牛海鮮 LUNCH$348/位 120分鐘無限任食 有成104款食物比你揀湯底揀鴛鴦鍋 古早牛骨湯&青花椒麻辣湯(有鴨血嘅)LV4我覺得已經好正 你睇個牛 雪花紋好均勻 切得亦好薄 食落超級滑超奶香 真係好得！QR CODE落單嘅仲有其他豬牛雞魚海鮮等等鮑魚扇貝白鱔脆肉皖都嘅樣叫咗少少試下自助區方面蔬菜區 部分蔬菜我都係第一次見 例如人參葉 鉛筆菇麵類 刀削麵 蝦仔麵 同埋同台灣麻辣鍋好夾嘅紅薯寬粉都有羹湯類 台灣麵線 酸辣湯 芝麻糊都有甜品區 黑芝麻熊仔爪 雲石芝士朱古力撻 雲石芝士蛋糕都相當吸引小食區 夜市烤香腸 地瓜條 黑糖糍粑都有以上都係平時放題比較少見嘅 而且味道係好味嘅 都真係對得住價錢👍🏻 佢仲有九份仙草椰果芋圓呢D甜品 食到最後我竟然食得太飽忘記咗佢哋無食到食飽仲有COINS比你夾波波 我抽中咗免費獲贈LV5嘅日本A4黑毛和牛阿！真係超正嘅品質 下次會再嚟✨…查看更多

昨晚跟朋友到觀塘逛商場，無意中發現這間高質台式火鍋店。這店不但就近地鐵站，而且環境十分舒適、寬敞、清潔，我們離開時，衣服不帶有一點火鍋氣味。食物不但款式多，而且很有質素、很地道。這店門外有個郵箱，原來店舖會給食客一張明信片（有$50 coupons)可放進郵箱寄給親友。我們選了「 LV.3- 極品。吃到飽」只需$328 （100分鐘）。這店有不少台灣特式美食：糍粑、愛玉椰果芋圓、夜市鹽酥雞、 酥炸杏鮑菇、烤香腸、台灣麵線、珍珠奶茶…不能盡錄。這裏的海鮮做得很好！脆肉鯇魚片、無骨黑魚片，是完全無骨、唔腥、嫩滑。竹笙蝦包、竹笙抱蝦滑，兩者以竹笙為外皮包着蝦滑，外爽內彈的口感，做得很好。砂爆魚肚滲透了湯底的香味，吃到停不了。還要一提的是火掌梳打特飲，這是用檸檬和仙人掌製成的，酸酸甜甜，很值得一試。椰子雞湯（+$28）： 鮮甜充滿椰香味古早藥膳牛骨湯（+28）：藥膳味道濃郁美味…查看更多

最近去觀塘試左山見台式火鍋✨Lv3 極品吃到飽套餐 $328@1😋湯底方面我哋叫咗鴛鴦鍋🍲有全新限定古早藥膳牛骨湯🐮 湯底用上大量牛骨熬製🥰而且牛骨亦都炆得好腍✨加埋紅棗、枸杞等中式藥材，入口溫潤飲落有層次又滋補😎另外仲有牡丹美人鍋🧖🏻‍♀️味道濃郁飲落去暖胃唔油膩，又有大大件花膠，令到湯底好重膠質😍肉類整體質素都好唔錯😍牛肩胛肉、牛爽腩的牛味都很濃厚👍🏻有嚼勁但唔韌😋而且仲可以任叫鹽酥雞、蔥油餅、花枝丸等等🥰呢到仲可以無限享用自助區超過50款食品、前菜、台式料理、甜品及飲品！有台式香腸、紅糖糍粑、滷肉飯、台式麵線….而且飲品櫃都超級豐富🙌🏻👍🏻👍🏻每台客人會有兩個代幣去餐廳夾公仔機玩兩局，有機會夾中餐廳優惠券可以下次光顧時時使用👍🏻今次我就夾中咗飲品券下次去食嘅時候可以用埋🤞🏻😍呢度仲有台式明信片比客人填寫，再由餐廳代為寄出👏🏻 十分有特色👍🏻…查看更多