山見 (創紀之城五期(apm))

營業中

休息中

今日去咗APM嘅山見台式火鍋，真係飽到捧住個肚走！呢間人氣台式火鍋放題店，以正宗台灣美食同火鍋做賣點，真係吸引到我哋嚟試吓😂山見提供五種級別嘅吃到飽套餐，今次我哋就決定豪一次，試吓最高級別嘅「Lv5 殿堂日本A4和牛海鮮吃到飽」套餐！ 🐮 可以喺120分鐘內任食日本A4和牛、海鮮等82品美食，仲可以免費暢飲手工啤酒及台式飲品，真係超值！ 🤩而且，無論你揀邊個級別嘅套餐，都可以無限享用自助區超過50款食品、前菜、台式料理、甜品及飲品，真係選擇多到眼花繚亂！ 😵‍💫我哋今次食Lv5級別，除咗可以食到日本A4黑毛和牛、珍寶海扇蛤、廣島蠔等高級食材之外，仲可以食埋其他級別嘅食物，包括月建封門柳、薄切牛舌芯、澳洲羊舌肉、澳洲和牛肩胛肉眼、頂級無骨牛小扒、原隻鮑魚等，真係乜嘢都有得食！ 😋今次嘅主題係澎湖遊美食，所以仲有好多澎湖特色美食，包括竹笙蝦包、黃金酥蝦、火掌梳打、金沙蝦球、澎湖蝦滑、炸九層塔花枝丸、澎湖海鮮粥、黑糖豆腐花等，真係充滿台灣風味！ 🇹🇼自助區方面，無限享用超過50款食品、前菜、台式料理、甜品及飲品，包括滷肉飯、鹽酥雞、珍珠奶茶、芋圓、仙草凍等，真係令人食到停唔到口！ 🤤整體嚟講

如果想在觀塘APM商場打邊爐，有一間台式、一間日式和一間重慶的。山見台式火鍋 就是主打台式火鍋放題，會提供多款台灣特色湯底。裝潢是以台灣十分車站和老街為設計靈感，門面非常搶眼。另外還可免費寄明信片和有珍珠奶茶公仔之類可以拍照打卡📷套餐由 Lv1 精品吃到飽 HKD 228 起至 HKD 498 的殿堂級。頭3個Lv都是吃100分鐘，最貴的兩個Lv則吃120分鐘。我們選了Lv 2 上品吃到飽，成人每位 HKD 268 & 小童 HKD 218。一共3大2細會有兩個鍋，湯底一個選了鐵路豚骨鍋。另一款選了牡丹美人鍋 (+HKD 25) 濃郁香醇，還有花膠和雪耳。肉類整體很不錯，牛肩胛肉、牛爽腩的牛味都很濃厚。前者有嚼勁但不過韌，後者口感更軟嫩。阿公花雕醉雞的花雕味在煮完後仍然很濃，雞肉也很滑。吃了陳皮鯪魚滑﹐但沒吃到陳皮味( ˘•ω•˘ ) 在自助區也有火鍋料可以拿﹐主要是丸類，蔬菜選擇比想像中少。熟食有蟹粉小籠包，餡料鮮香。另外也有台灣腸、鹽焗溫泉蛋之類。蚵仔煎看起來有點像Pizza，味道和在台灣吃到的很像。甜品貌相都幾吸引，喜歡吃芋圓的應該會很開心。華西綜合豆腐花 & 十分愛玉椰果芋圓，

🍽️山見（創紀之城五期(apm)）台式火鍋📍觀塘觀塘道418號創紀之城五期(apm)5樓L5-1號舖今日放假，晏晝同屋企人食山見台式火鍋，揀咗Lv4 特選澳洲和牛海鮮吃到飽套餐 (限時120分鐘)，食得好滿足，開心分享吓😁自選湯底揀選嘅養生藥膳雞湯同牡丹美人鍋，兩款都好足料美味，每位$348，長者優惠$308，價錢雖然唔係好便宜，但能享受到新鮮嘅食材，任吃兩小時，性價比也不錯👍肉類最有驚喜嘅係澳洲和牛肩胛肉眼同薄切牛舌芯，高質食材🥩✨ 前者油花分佈均勻，肉質嫩滑，入口即溶；薄切牛舌芯切片薄而均勻，咬落煙韌有嚼勁，兩款都有濃郁嘅牛肉香味，真係食到停唔到口😋 另外印象好深刻嘅澎湖主題美食有芝麻蝦多士、金沙芋泥球同香芋脆脆果🍤🍠🥧芝麻蝦多士外層香脆，加上濃郁嘅蝦香味同芝麻嘅香氣，入口充滿層次；金沙芋泥球炸得金黃酥脆，裡面芋泥幼滑，加埋鹹蛋黃嘅香濃味，咸甜交融，好有驚喜；香芋脆脆果脆皮酥香，芋頭嘅香味係主角，每啖都好香甜而唔膩，輕盈又惹味😋 最後不得不提嘅係我最鍾意嘅甜品，我揀咗九份仙草花生芋圓同華西綜合豆腐花，芋圓煙韌彈牙，花生香脆，仙草清涼解膩，配料豐富，啖啖都係台灣甜品嘅精髓；豆腐花

同妹妹想食下台灣打邊爐、就去了觀塘食個放題打邊爐、餐廳做緊恆常台式火鍋 及 當季主題「澎湖遊」、最令人意外就有扭蛋可以抽🤣又比我抽中一個🤣LV4 特選澳洲和牛海鮮吃到飽套餐澳洲和牛肩胛肉眼🌟🌟🌟🌟🌟極具風味和口感的肉品。它擁有豐富的油花分佈，讓肉質更加鮮嫩多汁。肉眼部位的肉質軟嫩，帶有濃郁的牛肉香氣，入口即化。無骨牛小排🌟🌟🌟🌟🌟是牛肉中的精品部位之一，肉質細嫩多汁，帶有豐富的牛肉風味。這部位通常沒有骨頭，無骨牛小排可以呈現出濃郁的牛肉香氣，口感鮮美。福隆海參🌟🌟🌟🌟🤍它的口感細膩，帶有淡淡的海洋風味，可以展現出獨特的鮮甜滋味，爽脆可口。台式滷肉飯 🌟🌟🌟🌟🤍是台灣傳統美食之一，以香噴噴的滷肉搭配蓬鬆的白飯而聞名。滷肉醬汁入味，肉質鮮嫩多汁，帶有深厚的醬香味。芋圓鮮芋草🌟🌟🌟🌟🤍是一道台灣傳統的甜點，結合了芋頭圓仔和鮮奶茶的經典組合。芋圓Q彈有嚼勁，搭配濃郁的芋頭香氣，帶來滿滿的滿足感。鮮奶茶香濃順口，與芋圓的口感完美結合。

平日下午一點幾到大概坐滿2/3我地叫左兩個定食放題set1）D. 嫩肩里肌肉配精選梅花肉 $1382）E. 頂級無骨牛小排配美國穀飼黑毛豬，松露墨魚滑$168湯底點了鐵路豚骨湯酸菜白肉湯酸菜白肉鍋有兩片白肉，大量酸菜豚骨湯底有兩細舊豬肉，算足料嫩肩里肩肉同牛小排都好驚喜油花唔錯，唔係平價肥牛嘅質素牛小排份量都幾多兩款豬肉咬口就差唔多松露墨魚滑唔算彈牙，一般醬料區好多選擇特別有隻金桔醬酸酸甜甜幾好食仲有生雞蛋，加分！配料選擇雖然唔算好多但菜都新鮮豬皮爽口好食！台式火鍋必食-王子麵紅薯寬粉正！最驚喜係有台式蚵仔麵線佢冇大腸，所以冇嗰浸蘇味亦唔會好鹹唔係嗰種好重味精嘅麵線食咗一大碗！各款台式小食飲品選擇多甜品最有印象香芋巴斯克蛋糕細細件唔會太飽🌸🌸🌸🌸🌸店舖所有職員都好有禮貌唔係假笑個種😂唔係所有香港服務業都態度差嘅而且今次係第一次食放題，冇人催埋單可能當日唔算多人我哋都自律食到夠鐘，剩返雪糕未食得晒職員都冇趕整個用餐體驗好好

呢間山見台式火鍋餐廳環境真係唔錯。一入去就覺得好舒服，裝修好現代化，而且又有好獨特嘅台式擺設，例如台灣古式隧道作入口，台式山鍵號火車頭，最正係，佢哋啲座位安排得好好，唔會太近隔離枱，再加上服務員好熱情，成個用餐體驗真係好開心🤩🤩✨湯底方面，佢哋有好多選擇，例如：麻辣湯底：辣得嚟又唔會太過火，仲有好多香料嘅味道。酸菜白肉湯底：酸酸甜甜，配上白肉真係一流👍🏻✨食材方面，佢哋提供嘅選擇真係多到你眼花繚亂：✨肉類：有卡樂Beef，牛爽腩，美國糓飼黑毛豬，仲有羊肉卷，全部都係高質素嘅，食落好腍好爽口，亦都有入口即溶嘅感覺🤩🤩🤩✨特別嘅台灣小食：夜市烤香腸：外脆內嫩，配上特製嘅醬汁，真係好惹味。爆漿黑糖糍粑：真係一款好特別嘅甜品！佢嘅外層係用糯米粉製成，炸到金黃酥脆，而內餡就係香甜嘅黑糖漿。咬落去嘅時候，黑糖漿會即刻爆出嚟，甜而不膩，口感好豐富🥳🥳🥳✨手工丸子：有魚丸、蝦丸、牛肉丸，全部都係手工製作，口感好彈牙🥰🥰✨飲品: 除咗基本罐裝飲品，仲有一部自助咖啡機，啱晒鍾意咖啡嘅我，加錢仲可以選擇啲台式特色飲品，例如珍珠奶茶，阿里山紅茶等👍🏻👍🏻✨手工雪糕： 山見嘅手工雪糕有好多唔同嘅口味，例如抹茶、

天氣又涷番了，呢個時候最適合打邊爐~今次就揀咗呢個台式火鍋店，提供台式美食、湯底湯底揀咗鴛鴦鍋:牡丹美人鍋和風味沙茶老鍋鍋底！，一個養生滋補可以美肌，另一款香濃惹味，隔住咁淥，就會balance 番個風味。肉類方面，我食得最多碟係澳洲和牛肩胛肉眼、牛扑肉(CAB牛頸脊、頂級無骨牛小排，牛味香濃，厚薄適中～海鮮方面都夠新鮮，估唔到有福隆刺參、花膠咁滋補嘅配料。仲有原隻大海蝦、新鮮白鱔片、原隻鮑魚、無骨黑魚片、爽脆水魷、沙白，比其他火鍋店有更多海鮮的選擇。比較有特色係以下呢4款，阿公花雕醉雞、台南烏雞玉卷都係台式火鍋店先有。爽滑牛骨髓和清境鮮雞子都不能錯過～自助區仲有甜品、飲品、其他火鍋配料仼食～食完仲會送coins玩夾公仔，贏取豐富獎品。另外，又提供免費明信片，仲會幫手寄埋，大家快啲寄比朋友叫佢哋相約係山見！

今次去咗觀塘APM嘅「山見台式火鍋✨」絕對係高質素嘅放題火鍋🔥！放題火鍋分咗五個級別，今次點選咗Level 4特選澳洲和牛海鮮🐂🦐，可以任食120分鐘⏳，有74款火鍋配料，以及17款台式小食，選擇非常豐富😋。火鍋湯底我哋揀咗椰子雞煲🥥🐔同沙爹湯🍲，椰子雞煲清甜滋潤，沙爹湯香濃惹味，兩款都係絕配！肉類方面，基本已經有豬牛羊雞肉🐷🐮🐑🐔，而澳洲和牛肩胛肉眼及月見封門柳絕對係頂級👍，非常好味😍。海鮮方面，有花膠、鮑魚、海參、大蝦、白鱔片等等高級食材🦞🐟，每一樣都新鮮又足料，食落去真係好滿足😋。另外台式小食亦非常多🍢，鹽酥雞、柯仔煎、花枝丸等等台灣夜市有嘅都會揾到，味道正宗，食落去真係有種去咗台灣嘅感覺✈️。最後仲可以食埋台式甜品🍨，芋圓同豆腐花都有，食完火鍋再食甜品，真係完美嘅結尾👍🏻「山見台式火鍋」無論係食材定係服務都係一流🌟，價錢又合理，絕對係觀塘區嘅火鍋首選！下次一定會再嚟食😄！

食火鍋，仲夾到一隻公仔🧸😂除咗可以玩夾公仔，仲有得免費寄明信片，真係有得食有得玩apm分店，裝修得幾靚，有唔少打卡位~呢個餐最大賣點係可以食120分鐘，任食日本A4和牛、海鮮、任飲手工啤酒及台式飲品，產品多達120款，真係好誇張😂青花椒麻辣湯，味道唔錯，有青花椒的香味，入面仲有鴨血！養生藥膳雞湯，藥材味幾濃郁。日本A4和牛最吸引嘅一定係呢碟和牛😍賣相好靚，肉質非常軟綿，又有牛香味，配上芝麻醬，真係好好食😋海鮮頭盤有一碟海鮮拼盤，有齊鮑魚、蝦、帶子、生蠔、白鱔片、珊瑚蚌、象拔蚌，食落都幾新鮮，鮑魚最好食，好彈牙！全部都可以無限追加，仲有海參同埋蒜茸扇貝都幾好食。手工啤如果鐘意飲酒，真係幾正，可以任飲手工啤，飲落好清爽，唔會太苦，好飲🍻自助區有火鍋配料、爆谷、甜品、雪糕、冷熱飲品及熟食區。熟食區比較好味嘅有蟹黃灌湯小籠包、麻辣烤魚、台灣烤腸、爆漿黑糖糍粑。手機落單仲有好多火鍋配料、台式料理及台式飲品，真係超多選擇！最後，甜品食咗九份仙草花生芋圓，幾好食整體嚟講，$498就可以無限任食到呢個質素嘅日本A4和牛吃到飽，真心抵食！

第一次去這間火鍋放題，台式主題，不需額外加錢的湯底只有2-3款。食品種類算多，同埋食物質素中等，有幾款小食覺得好食。揀左$388 有海鮮的套餐，蝦同沙白都大隻，牛肉質素普通，反而有印象佢其他食品，例如：竹笙蝦滑。坐位寬敞，用膳當晚滿坐但不嘈吵，整體用餐感覺良好，上菜及收碟速度快。

天氣開始變暖，當然要抓住冬天既尾巴去食埋今年冬天最後一次火鍋啦。今次就去左之前一直都想去試既【山見台式火鍋】，主打超級地道台式火鍋、小食、飲品、甜品任食120分鐘。今次就去食左最高lv5既殿堂日本A4和牛海鮮吃到飽套餐。牡丹美人湯：其實係花膠鷄湯，湯底濃郁得嚟好滋潤，花膠煮得軟滑，鷄肉鮮嫩，飲完覺得好暖胃。A4和牛：真係無得輸！油脂分布均勻，輕輕一灼就已經入口即化，牛味香濃，肉質鮮嫩，令人回味無窮。海鮮拼盤：有大蝦、帶子、蜆、蠔、象拔蚌、桂花蚌等等，新鮮彈牙，配搭湯底更加鮮甜。台灣啤酒、手工啤酒、手搖飲品：清爽解膩，好有台灣風味麻吉燒、台式火鍋食材：口感豐富、仲有好多特色火鍋食材、出面其他地方食唔到。甜品：除左有自助小蛋糕、馬卡龍、布丁、雪糕之外，仲有芋圓、豆花、仙草，非常台式。為成餐飯畫上完美句號。宜家食完仲可以寄明信片同夾公仔，大獎係4人同行1人免費。

今日去咗APM 5樓一間叫「山見」嘅餐廳食晚餐，一坐低已經feel到個場好旺，氣氛熱鬧，啱晒一班人打邊爐吹水。我哋嗌咗Lv4 特選和牛海鮮吃到飽套餐，有澳洲和牛肩胛肉眼、頂級無骨牛小扒、原隻鮑魚等等，仲可以無限享用自助區超過50款食品、前菜、台式料理、甜品及飲品！每台客人食完之後仲可以憑收據取兩個代幣去餐廳夾公仔機玩兩局，有機會夾中餐廳優惠券可以下次光顧時時使用。另外，有多款台式明信片比客人填寫，再由餐廳代為寄出，幾有特色！🍊 湯底我哋揀咗鴛鴦鍋湯底，加錢升級咗做牡丹美人鍋同椰子雞湯，牡丹美人鍋嘅味道濃郁，啱晒食材用嚟吸味，飲落去暖胃又唔油膩，又有大大件花膠，令到湯底好重膠質；椰子雞湯味道清甜，斬件嘅椰子令到湯底椰香撲鼻，仲有多件嫩滑嘅雞件🍊海鮮有多款海鮮選擇，原隻鮑魚爽口彈牙，黃金鮮蝦球啖啖肉，咬落鮮甜爆汁，福隆刺參同花膠呢類貴價食材都可以放題任食，原隻駅前海老超大隻，松露墨魚滑爽口彈，無骨黑魚片食落去都無骨🍊 牛肉牛扑肉（CAB牛頸脊）同無骨牛小排都係LV4套餐必食嘅肉類，油脂分布幾靚，淥兩淥就食得，牛味濃郁，月見封門柳嘅肉質嫩滑，加隻生蛋黃撈勻，口感滑溜🍊 台式小食 有多款台式小

唔係講笑，我諗山見應該係我近期食過最好嘅火鍋！上星期五食完，今星期再食xd 去過兩間分店，如果每間都有啲唔同；好似將軍澳分店可以DIY糖水，觀塘分店就冇；入面嘅火鍋配料都有分別。不過兩間裝修都好靚，重點：夠冷氣！唔會邊食邊出汗～佢哋嘅套餐由lv1-lv5，食過lv3同lv 5，如果鍾意海鮮可以揀lv5，普通食肉嘅話，叫lv 3都好足夠！湯底選擇多，我試過：番茄、藥膳雞同椰子雞，暫時最愛係番茄！因為番茄入面仲加咗菠蘿，多咗份酸甜，冇咁易膩。Lv5套餐會送海鮮拼盤，入面會有：生蠔、海蝦、海參、鮑魚、魚片同帆立貝等等；仲會有日本A4黑毛和牛，簡直係奢華嘅味道！日本A4黑毛和牛入口油脂滿滿，肉質好腍身，而且油花分布均勻，真係幾正Order嘅食物全部都好高質，即食蝦卷、黃金蝦滑、竹笙蝦滑等等，出面嘅火鍋配料都好豐富，有唔同嘅丸子同蔬菜，熟食區仲會有小籠包、滷肉飯、台灣麵線、台灣腸等等，食熟食都食飽啦！仲有唔同嘅飲品，珍珠奶茶、草莓鮮奶、冷泡茶應有盡有；甜品有糖水、紅豆沙、蛋糕、雪條等，食完一次已經瘋狂推俾朋友，必試！

响apm5樓見倒間火鍋舖，冇期望地入去試下。叫左個 一人一鍋嘅lunch set, 唔同價錢有唔同肉類嘅配搭，我揀左$138 嘅牛加豬肉，菜類丸類都喺自助bar任拎，不過選擇唔多。有熱食，飲品，甜品供應。湯底係豚骨湯，味道都正常，唔淡。肉類有正常肉味，都新鮮，呢個價錢冇要求，厚度適中，唔會薄到睇到個碟底。

職員帶客人入座前有詳細問客人喜好的火鍋口味，經過走廊時鬼馬表示，而家帶你地進入台灣夜市🤣仲有講食飽可以係門口夾扭蛋，仲可以寫明信片，餐廳職員會幫客人寄😍好玩野食都好食，甜品芋圓好味。不過要留意雪櫃有d火鍋配料睇落好似甜品（雪米磁），哈哈。