家賀屋

今日去咗銅鑼灣位於2樓嘅日式料理餐廳，午市時段有多種套餐可以選擇，熱食或者刺身都有。原來佢哋而家仲做緊優惠，啤酒半價，象拔蚌都有半價添。🥹本鮪三昧丼 定食配海帶麵豉湯、胡麻田園沙律、海鮮蒸蛋呢一個刺身丼係有三種唔同嘅拖羅部份，仲要有埋吞拿魚蓉。飯方面用咗特製嘅醋調配，口感相當好，而味道都啱啱好。刺身非常新鮮，而且超厚切😍。成個套餐配埋茶碗蒸、麵豉湯同沙律，食完好滿足。芝士蛋糕原來佢哋嗌甜品就可以提供埋畫碟服務，今次就叫咗舊件芝士蛋糕，然後通知咗店加上要白貓同黑貓嘅公仔，估唔到店家超用心，連貓貓嘅毛髮都仔細咁樣畫出🥹。