黑門水產すいさん (Fashion Walk)

今晚同同事黎黑門水產豪食一下。餐廳係fashion walk 入面，都幾有feel，9點都仲有唔少人。menu好多樣化，有平時大路嘅壽司，熱食，仲有甲羅燒係呢度嘅招牌。sashimi都係，有平時omakasae先有嘅白子，魴鮄魚等。串燒都有雞提燈，不過鼓唔起勇氣試😂😂黑門令大漁魚子醬脆脆包呢個有蝦，海膽，魚子，放係塊脆脆包上面。全部都好新鮮，一啖咬到曬所有食材，開胃菜剛剛好。赤鬼蟹味噌甲羅燒呢個好有特色！店員會先比我打卡，然後佢地先攞去燒，d味好特別，辣辣地，好香，配合餅乾，好夾。魴鮄魚刺身呢個大推，配合柚子醬油，刺身非常新鮮。 加60蚊可以d魚骨去煲湯，雖然等左陣，不過個魚湯煲到奶白色，仲要唔少魚肉食，呢個好正。黑門大漁稻庭烏冬烏冬彈牙，海膽同魚子嘅份量好多，撈埋d烏冬配合埋d汁，清新又飽肚。