影片
更多
2017-12-29
77 瀏覽
辛苦左成年，男友一早訂左呢間蠔吧，話帶我去食聖誕大餐！小店裏面座位較少，但食物種類繁多，海鮮刺身樣樣齊，熱食選擇亦非常精，食材配料都好高檔。我地先自選左幾款刺身做seafood platter: 4款生蠔、地中海紅蝦、Scampi、法國藍蝦、Cherry Stone、韓國即開新鮮海膽同北海道帶子。個盤識發光又擺得好靚已經不在話下，重點係每樣刺身下面都鋪夠冰，令刺身保鮮，肉質更鮮甜。 Oyster Platter (4款, $320) 蠔吧賣既蠔果然真係零捨不同。四款蠔的肉身都白雪雪、脹卜卜，非常fresh。店員叫我地先品嘗細細隻，來自美國的Honey Point。Honey Point的味道較清甜，口感creamy滑喉，好適合打頭陣，為味蓄打開序幕。店員仲教我地係蠔邊到剷起粒帶子一齊食，蠔水甜味更突出。然後再食愛爾蘭的Irish Gigas，蠔身長而窄，重海水味，肉質爽口。最後食兩款重口味、極濃咸海水同金屬味的法國蠔:Fine de Claire Vertes同La Perle Noire。其中La Perle Noire揀左0號size，即係最大隻既蠔，肉身特厚，要至少分兩啖先食得曬
我地先自選左幾款刺身做seafood platter: 4款生蠔、地中海紅蝦、Scampi、法國藍蝦、Cherry Stone、韓國即開新鮮海膽同北海道帶子。個盤識發光又擺得好靚已經不在話下，重點係每樣刺身下面都鋪夠冰，令刺身保鮮，肉質更鮮甜。
Oyster Platter (4款, $320)
蠔吧賣既蠔果然真係零捨不同。四款蠔的肉身都白雪雪、脹卜卜，非常fresh。店員叫我地先品嘗細細隻，來自美國的Honey Point。Honey Point的味道較清甜，口感creamy滑喉，好適合打頭陣，為味蓄打開序幕。店員仲教我地係蠔邊到剷起粒帶子一齊食，蠔水甜味更突出。然後再食愛爾蘭的Irish Gigas，蠔身長而窄，重海水味，肉質爽口。最後食兩款重口味、極濃咸海水同金屬味的法國蠔:Fine de Claire Vertes同La Perle Noire。其中La Perle Noire揀左0號size，即係最大隻既蠔，肉身特厚，要至少分兩啖先食得曬！
韓國即開新鮮海膽 ($138)
平時係出面好少有得食即開海膽，今次豪一豪，叫左一隻同男友share食。韓國海膽本身味道較淡口，但由於新鮮即開既關係，海水味濃到係口中揮之不散！不過論口感的話，都係一板上的加拿大海膽會較厚較滑，會有多啲滿足感。
除左係日本餐廳食甜蝦赤蝦刺身之外，之前都未試過食其他產地既蝦刺身。估唔到其他產地既蝦係咁大條粗身，未食已經知係好野。
紐西蘭深海龍蝦仔 ($156/2pc)
第一次食Scampi，個種深海海鮮既清香鮮甜既味道，令我決定以後都會食呢款龍蝦仔刺身。佢既肉質係無比既細嫩，有少少似赤海蝦既質感，但比赤海蝦更彈牙。
法國藍蝦 ($136/2pc)
所有法國既海產都係帶濃郁既海水味，藍蝦都一樣係。呢款蝦實肉爽口，送白酒食一流。
地中海紅蝦 ($156/2pc)
地中海紅蝦既肉質同Scampi有少少相似，但比Scampi更有彈性。重點係食蝦頭內的蝦膏，真係無比的香濃甘甜，齒頰留香。
Cherry Stone ($96/2pc)
本身我對蜆類一般，但係店員介紹之下，人一世物一世，試下食蜆刺身。Cherry Stone帶咸味，爽口彈牙，唔韌。
北海道帶子 ($76/2pc)
帶子肉身乾淨晶瑩，厚切上，又滑又鮮甜，好正。
清酒煮青口 ($168)
食完seafood platter，叫左個清酒煮青口暖胃。呢個熱食菜式係我暫時食過最好味的煮青口！！一般以清酒入饌的湯汁，清酒既味道多數會揮發得蕩然無存。但呢度既清酒湯完完全全保留左香甜又濃度高既酒精味道，加上大量洋蔥片，令湯汁的甜味更加昇華。廚師亦別具匠心，特別選用較細的新鮮青口，其味道必然比大粒的急凍青口較濃較嫩。
法國鵝肝忌廉意粉 ($198細)
最後叫左個出奇地抵食的主食！本身我同男朋友都以為個鵝肝實係細細塊，點知一塊都有半個拳頭。鵝肝煎得超級好有水準，大概約7成熟，裏面油脂平衡，非常軟滑。忌廉意粉就以鮮牛奶忌廉煮成，我自己覺得個汁太少，掛唔到上意粉，太杰身變得有點膩; 但男朋友話恰到好處，意粉彈口，係好正宗的cream pasta。但點都好，整體都非常滿意。
總結黎講，從presentation和烹調方法睇，Oyster Cove對刺身同食材的選擇好有要求，每個煮法背後都有其心思。我諗呢間餐廳算係少數比得出高質海鮮刺身，同時又對熱食煮法特別有堅持的餐廳了。
張貼
