浜滝

營業中

休息中

今日同朋友去咗九龍城食日式居酒屋，令人回味無窮。餐廳刺身、海鮮種類繁多，所以我同朋友都點咗唔少海鮮🦞、刺身。紅鯛魚刺身係當日餐廳推介時令食材，由日本空運✈️直送，格外新鮮，而且擺盤賣相吸引，令人垂涎三尺。兵庫蠔一隻計埋加一，每隻都係$50左右，性格比高。蠔肉質鮮嫩、爽口，味道甘甜，而且蠔身一般體形較大。另外，當晚食嘅九州象拔蚌亦係焦點之一。象拔蚌入口爽嫰，肉質鮮甜，亦係店舖刺身入面嘅不二之選。除左刺身，餐廳嘅魚湯亦係精心熬製，熱騰騰濃郁嘅湯配上滑嫩鮮甜嘅魚肉同豐富嘅蔬菜🥬令人一試難忘。😋