燒烤堂 (已搬遷) 新店位置

今日約了三五知己放工後到銅鑼灣燒烤堂，吃吃串燒，喝喝啤酒，一解工作壓力。之前一直聽一位foodie朋友介紹呢間餐廳，今日終於有機會一試！現場坐滿食客，枱與枱之間沒有太多空間，但看得出大家都不介意，氣氛很熱鬧。抽風尚好，店內不會煙霧彌漫。一坐下，見到啤酒竟然係買！一！送！一！，大家都忍不住大叫太好了🤩講返食物，我哋叫了很多很多串燒，以下係我哋嘅推介。燒明太子准山⭐️，真係愈簡單的食物愈好味，鹹香的明太子舖上爽脆嘅准山上，好味到不停encore!燒茄子🍆，當晚每一枱都有叫，茄子上面上大量蒜蓉同葱，送啤酒一流！焦糖青蘋果燒鵝肝多士🍎🦢，集油香和酸甜於多士上，每一口都好滿足！燒蟶子，新鮮無沙，燒得剛剛好。辣味和蒜蓉味同樣出色！燒麻辣鴨舌🦆👅，超級惹味呀，呢個好考師傅功夫，一過咗火就會又乾又硬，但呢度燒得好好。另外我們還叫了燒牛舌🐮👅，燒飯團，燒雞肝，燒雞軟骨等等。。。今晚呢餐真的吃得很滿足，十分推介燒烤堂😋