綠茶餐廳 (創紀之城五期(apm))

營業中

休息中

三色雞絲涼麵而家天氣轉熱，食涼麵就最啱胃口。涼麵係手工麵黎，麵身彈牙得嚟又唔會太硬，而且混合左菠菜，南瓜，紫薯，形成三種顏色，好睇得黎又好食。薺菜碎肉千張包柔韌的外皮包裹薺菜同碎肉的鮮美內餡，底層有一直用蠟燭暖住嘅雞湯，完全唔怕放耐左會凍左唔好食。龍井烤雞一開始會成隻雞咁上等你打下卡，之後會有人幫你切開唔同部位，非常貼心。雞嘅表皮金黃油亮，雞肉嫩滑多汁，龍井嘅清香完全滲入肉質裡面，非常好食，推介！黑松露牛肉炒飯一上菜就聞到黑松露濃郁嘅香氣，而且非常夠鑊氣，炒飯粒粒分明，而且表面有層好靚嘅油光。牛肉粒軟硬適中，又唔會炒到好乾，係個高質嘅炒飯。另外，唔好睇店外好似好細，但其實店内空間非常大，而且好整潔。