影片
更多
2019-08-07
3195 瀏覽
長輩生日，特登同屋企人嚟到尖沙咀呢間中菜廳慶祝生日，環境裝修得好靚，設計得好有氣派，空間寬敞，唔會好似平時啲酒樓咁逼，而且仲向海，可以望住海景嘆中菜🤤~黃扒魚肚原隻魚肚超大塊，有我半隻手板咁大🤭肉質豐厚，口感結實彈牙，充滿膠質，養顏之選🤤配合金黃色既濃郁湯底，主要材料似係南瓜，有少許流沙般嘅質地，更加提升左魚肚嘅鮮味🤤~籠仔花膠櫻花蝦海味蒸飯一打開蒸籠個已經聞到好香嘅海鮮味道，賣相都好靚🤤蒸飯飯粒比較濕，冇炒飯咁乾身，但係每一粒飯都被醬汁包圍着，粒粒飽滿，而且吸收晒海鮮嘅精華，食落感覺juicy而且鮮甜~櫻花蝦少脆配合彈牙嘅魷魚口感特別，層次分明，少量嘅葱有助蒸飯味道更加豐富~~避風塘脆皮豬手推廣期做緊優惠，忍唔住要試吓，估唔到避風塘味道嘅豬手好惹味，豬手勁大隻，一路切嘅時候已經見到勁多肉汁流出嚟，咬落去都好juicy，豬手皮充滿膠質唔痴牙，外層香脆內層就比較軟林，豬肉肉質結實但易咬開，近筋位口感更加爽脆，配合大量嘅避風塘脆粒好有口感，非常邪惡😈🤤~北京羲和馳名烤鴨+八寶盒廚師即席製作好有派頭🤭睇見佢拎隻烤鴨出嚟晶瑩剔透，望落感覺似啱啱烤起😋有三種食法，第一款用鴨皮點爆炸糖同藍莓醬一齊
~黃扒魚肚
原隻魚肚超大塊，有我半隻手板咁大🤭肉質豐厚，口感結實彈牙，充滿膠質，養顏之選🤤配合金黃色既濃郁湯底，主要材料似係南瓜，有少許流沙般嘅質地，更加提升左魚肚嘅鮮味🤤
黃扒魚肚
$148
46 瀏覽
1 讚好
0 留言
~籠仔花膠櫻花蝦海味蒸飯
一打開蒸籠個已經聞到好香嘅海鮮味道，賣相都好靚🤤蒸飯飯粒比較濕，冇炒飯咁乾身，但係每一粒飯都被醬汁包圍着，粒粒飽滿，而且吸收晒海鮮嘅精華，食落感覺juicy而且鮮甜~櫻花蝦少脆配合彈牙嘅魷魚口感特別，層次分明，少量嘅葱有助蒸飯味道更加豐富~
籠仔花膠櫻花蝦海味蒸飯？
$148
51 瀏覽
0 讚好
0 留言
~避風塘脆皮豬手
推廣期做緊優惠，忍唔住要試吓，估唔到避風塘味道嘅豬手好惹味，豬手勁大隻，一路切嘅時候已經見到勁多肉汁流出嚟，咬落去都好juicy，豬手皮充滿膠質唔痴牙，外層香脆內層就比較軟林，豬肉肉質結實但易咬開，近筋位口感更加爽脆，配合大量嘅避風塘脆粒好有口感，非常邪惡😈🤤
避風塘脆皮豬手
33 瀏覽
0 讚好
0 留言
~北京羲和馳名烤鴨+八寶盒
廚師即席製作好有派頭🤭睇見佢拎隻烤鴨出嚟晶瑩剔透，望落感覺似啱啱烤起😋
有三種食法，第一款用鴨皮點爆炸糖同藍莓醬一齊食，第一口感覺到爆炸糖係口內跳來跳去好特別，藍莓醬嘅鮮甜豐富了味道，之後鴨皮同爆炸糖一齊喺口內溶化，層次好豐富😍
八寶盒
54 瀏覽
0 讚好
0 留言
最後一款食法係用鴨髀肉配合蒸皮嘅方式包住一齊食，可以揀傳統醬汁配合京蔥同青瓜等等包住一齊食，鴨髀肉富油香，而且夠嫩滑~都可以揀鴨髀肉配上藍莓醬連同山楂條京蔥一齊包住食，食法有驚喜，山楂條嘅清甜估唔到同鴨肉好夾，感覺出奇地清新，油膩感冇咁重，幾欣賞呢款創新嘅食法~
~磯煮鮑魚
第一次凍食鮑魚，鮮味突出，口感彈牙，質感同熱食嘅鮑魚好唔同，凍食口感較為結實，但食落唔會有渣，醬汁為鮑魚調味，味道同樣濃郁~
磯煮鮑魚
$108
16 瀏覽
0 讚好
0 留言
~松茸素佛跳牆
估唔到素佛跳牆利用不同嘅菇類同埋松茸味道咁濃郁，聞落已經有好濃嘅松茸香味，食落既味道比傳統佛跳牆更加強更加吸引，而且唔同嘅菇類有不同嘅爽脆口感，整個層次好豐富~
松茸素佛跳牆
$138
30 瀏覽
0 讚好
0 留言
~葱燒海參
原條海參有一隻手板咁長， 燜煮時間啱啱好，唔會太林，保留爽脆彈牙嘅口感，醬汁份量啱啱好，為海參調味，但沒有搶走本身嘅鮮味~第一次配合原條大蔥一齊食，有兩種口感，感覺幾特別，味道配搭ok~
葱燒海參
$148
39 瀏覽
1 讚好
0 留言
~干鍋菜花
醬汁炒椰菜花味道濃郁，夠鑊氣，椰菜花唔會煮得太老，夠爽脆，配合細細塊嘅炒豬肉片令口感提升，而且炒豬肉片嘅鹹香令味道更加豐富~
干鍋菜花
$98
24 瀏覽
1 讚好
0 留言
張貼
