禾璽牛肉海鮮火鍋

營業中

休息中

今日嚟到尖沙咀食一個高級特色火鍋，呢間餐廳提供嘅湯底選擇有好多，非常滋補，今次我揀咗「無花果雞湯」，湯底已經有新鮮嫩滑嘅雞肉，仲有大量無花果做配料，非常特別，而且又養生。火鍋食材方面，我哋揀咗一份海鮮拼盤，拼盤入面包含超級巨型生蠔，手掌咁大，好新鮮，火鍋煮熟後，內裏仍然保留肉汁，非常鮮甜美味。除此之外，仲有蜆仔同埋鯇魚片，同樣新鮮。接着叫咗幾款肉類，包括「吊龍牛肉」，牛肉非常香滑，薄切成一口一片，好有牛肉嘅鮮味，香滑無筋，真係冇牙都食到。接着，仲有「脆皮雞柳」同埋雞雜，仲有「羊肉軟骨」，全部肉類都非常新鮮。個湯底咁滋補，一定要加啲蔬菜，蔬菜吸收湯底嘅鮮味，係我嘅最愛。我揀咗一份蔬菜拼盤，包含咗好多款蔬菜，每樣少少，兩個人啱啱好，蔬菜包括：冬菇、金菇、秀珍菇、娃娃菜、唐生菜、蓮藕片、薯仔等等，全部都好新鮮。整體食物選擇好多，湯底非常滋補有益，係一個火鍋非常好嘅選擇。