瀧宴日本料理

營業中

休息中

自家制嘅醬汁煮南非鮑魚，鮑魚煮得好入味，肉質軟嫩多汁，好好食。松葉蟹茶碗蒸，用咗松葉蟹、蛋同山藥一齊蒸，蛋滑滑嫩嫩，香濃。西班牙白松露鮫鰈魚刺身，加咗松露油同淡鹽，白松露油嘅香味好濃郁，鮫鰈魚幾彈牙吞拿魚魚蓉手卷味道鮮香，底下仲有鱈魚乾，鱈魚乾酥脆，一口咬落去，口感豐富。澳洲龍蝦，龍蝦肉好結實美味，廚師用龍蝦頭同蝦膏釀煮，更加香更加鮮甜。法國諾曼第帶子係湯汁煮嘅，湯汁係海苔清湯，好鮮甜，上面仲有廚師自家釀製嘅三文魚籽，大粒濃香。美國頂級牛柳有厚燒同薄燒，薄燒包住蔥花，好香口。牛柳肉嫩多汁，牛味香濃。最後有季節濃魚湯，魚味濃郁，有海帶同山藥，好好飲。丹麥煙肉香䔉炒飯，飯炒得粒粒分明，金黃金黃嘅，配埋芽菜同香菇一齊食甜品係自家做嘅瑞士卷，有檸檬海鹽同富士蘋果兩款口味，鬆軟綿密。