유명진의 육미정담 肉味情談

營業中

休息中

Airside開左好多特色餐廳，今次就去試左【유명진의 육미정담肉味情談】食韓式燒肉。餐廳主打比較高級既部位，有得單點或者叫套餐。我地呢D選擇困難症當然就叫左二人set啦。一級五花肉套餐：套餐包括和牛牛五花、安格斯牛外群肉、牛小排、一級五花肉、 蘋果梨汁雞肉、 一口鱈魚肉同薯仔排骨湯。和牛牛五花非常軟霖、入口即化；安格斯牛外群肉有少少靭、不過剪開會好D；牛小排脂肪比較少、肉味香濃；一級五花肉肉質軟霖，油香十足；蘋果梨汁雞肉甜甜地、肉質juicy；不過一口鱈魚肉比較遜色少少。薯仔排骨湯胡椒味濃、非常適合宜家忽冷忽熱既天氣。腌製一級韓國豬肋骨：好軟、調味岩岩好，超級推薦。芝士蛋糕配雪糕：芝士蛋糕好soft，芝士味濃。雪糕唔會太甜。迷你年糕雪糕：迷你年糕搭配黃豆粉、軟軟糯糯。提子梳打/柑橘梳打：非常refreshing、又唔會太甜。