家賀屋

喺OpenRice入面想搵一間餐廳，約朋友一齊食飯，無意中見到銅鑼灣中心地帶，有間日本料理，裝修精緻，而且喺OpenRice訂枱食飯仲有折扣優惠。入到嚟餐廳，覺得座位好寬敞，而且舒適，見到餐牌推介三味精緻菜式: 「柚子風手切本鮪魚腩蓉」、「火炙厚切鮟鱇魚肝」同埋「黑松露煙燻帆立貝」，一定要試。接著來一碟「鹽燒仙台熟成牛舌芯」，牛舌好軟滑，熱辣辣，原來好大碟，好抵食。「吉列廣島蠔」揸到外脆內軟，蠔入邊好Juicy，味道鮮甜，炸生蠔配合蛋黃醬，好好味。「生燒白鱔」，串燒白鱔帶出白鱔嘅新鮮鮮魚香味，燒烤將油脂迫咗出嚟，好香口，熱辣辣，即叫即製，白鱔入口爽脆嫩滑，魚皮脆卜卜，加上少少調味，味道配合得非常好，好新鮮。食咁多脆卜卜又香口嘅食物，一定要飲返一杯「日本生啤」中和一下，生啤好新鮮，入口清涼又解渴，而且大大杯，非常推介。