鮨燐

營業中

休息中

今次去咗間新開嘅日式餐廳，食咗佢哋嘅生炸蟹，真係外脆內嫩，蟹肉鮮甜到爆，炸得剛剛好，唔會太油膩。水果蕃茄清新爽口，酸甜平衡得好好，係餐前開胃嘅好選擇。香魚燒得香噴噴，魚皮脆脆地，肉質細嫩，味道好正。刺身方面，鮫鰈魚細膩滑溜，四國蠔肥美多汁，吉島池魚新鮮得嚟帶啲海水味，赤貝爽口彈牙，銀鱈魚配醋面鼓同紫蘇花嘅組合好有層次感。中拖羅肥美油潤，吞拿魚配紫菜食落好有口感！和食部分，吉列太刀魚炸得金黃香脆，魚肉保持鮮嫩，配埋特製醬汁，味道一流。壽司方面，富山白蝦甜味突出，北寄貝鮮味十足，深海池魚同白山魚口感細膩重點係赤海膽鮮甜濃郁，份量好多，份外滿足！最後赤身配蒜香味帶啲刺激感，層次豐富。最後嘅綠茶奶凍清甜滑溜，完美中和咗整餐嘅油膩感，係一個好舒服嘅ending。整體嚟講，呢間店無論食材新鮮度定味道調配都好用心，值得再嚟。