鮨燐

營業中

休息中

［📍尖沙咀｜鮨燐］呢間既omakase網上好多好評，位置亦都好方便，決定過嚟試吓咩質素。呢度環境闊落，坐低侍應即刻遞上熱毛巾，非常細心。呢度嘅師傅喺你面前準備所有材料同刺身，師傅每個步驟都好仔細，就算係壽司碟上面嘅豉油，都會每次抹乾淨先上下一件比你，值得讚賞。今次揀咗Omakase寿司14貫，除咗14件壽司，仲會包埋前菜、湯同埋甜品。呢14件壽司每一件都各有特色，特別印象深刻嘅係海老壽司，海老既肉身非常之厚肉，口感爽彈，完全唔會有腥味。師傅仲會燒香一啲蟹膏放咗喺壽司上面，食到鮮味十足，食完非常回味。另外一件非常深刻嘅係拖羅壽司，呢款拖羅係大拖羅同中拖羅中間嘅級數，油脂方面冇大拖羅都油膩，但仍然保留到入口即溶嘅口感，非常之香吞拿魚油既味，配埋大蔥碎一齊食，真係會想慢慢食，慢慢享受個份魚油香味壽司既食材非常新鮮，主要係來自北海道、九州、沖繩等等，食材新鮮抵食。食完晒14款壽司，最後仲會有一碗熱辣辣嘅麵豉湯，同埋抹茶牛奶布甸。呢度嘅甜品一啲都唔求其，抹茶醬非常之濃郁，唔會太苦澀，同時亦都唔會太甜，配埋牛奶布甸，恰到好處，夠哂清新解膩。