影片
更多
2018-01-04
268 瀏覽
上司book左枱請大家去Oyster Manner食lunch，本來諗住係公司附近普通午餐無為意，點知入到去完全覺得自己個造型錯哂！門口細細，落樓梯到餐廳，入面灰色牆身配茶色鏡裝修摩登時尚，但又配上懷舊的裝飾物例如書本等，再配合灰色梳化; 新舊結合，感覺好高級！而且餐廳燈光較暗，環境寧靜，對於著牛仔褲波鞋番工的我，感到有點失禮。😹😹下次上司請食飯要著好d至得！Lunch set包括餐湯、沙律、主菜和餐飲，銅鑼灣來比較價錢尚算合理。餐湯同沙律一齊上菜，蕃茄湯沒有用上太多調味，味道較平時酸，帶有蕃茄皮，由於加上忌廉，即使用原個新鮮蕃茄，質地都算滑。沙律用了不少新鮮蔬菜，如車厘茄、火箭菜、生蘑菇等，再淋上酸酸甜甜的黑醋汁，非常開胃！黑松露芝士大蘑菇忌廉寬條麵自家製的寬條麵，蛋味比平時食的重，而且更煙韌亦較易沾上醬汁。黑松露忌廉汁味道濃郁，帶點芝士香，我十分欣賞呢個醬汁。大蘑菇厚度十足，即使注滿芝士烤焗，仍保留蘑菇的水份。餐廳無論佈置，餐具佈局和食物擺盤都非常用心。店員服務都好好，水準猶如高級餐廳，呢個價錢有如此高的水準實在值回票價！
門口細細，落樓梯到餐廳，入面灰色牆身配茶色鏡裝修摩登時尚，但又配上懷舊的裝飾物例如書本等，再配合灰色梳化; 新舊結合，感覺好高級！
而且餐廳燈光較暗，環境寧靜，對於著牛仔褲波鞋番工的我，感到有點失禮。😹😹
下次上司請食飯要著好d至得！
Lunch set包括餐湯、沙律、主菜和餐飲，銅鑼灣來比較價錢尚算合理。
餐湯同沙律一齊上菜，蕃茄湯沒有用上太多調味，味道較平時酸，帶有蕃茄皮，由於加上忌廉，即使用原個新鮮蕃茄，質地都算滑。
沙律用了不少新鮮蔬菜，如車厘茄、火箭菜、生蘑菇等，再淋上酸酸甜甜的黑醋汁，非常開胃！
黑松露芝士大蘑菇忌廉寬條麵
自家製的寬條麵，蛋味比平時食的重，而且更煙韌亦較易沾上醬汁。
黑松露忌廉汁味道濃郁，帶點芝士香，我十分欣賞呢個醬汁。
大蘑菇厚度十足，即使注滿芝士烤焗，仍保留蘑菇的水份。
餐廳無論佈置，餐具佈局和食物擺盤都非常用心。店員服務都好好，水準猶如高級餐廳，呢個價錢有如此高的水準實在值回票價！
張貼
