影片
更多
2024-07-21
602 瀏覽
早幾日同朋友去咗"City Dancer Grill and Live Music Bar"，呢間餐廳位於大廈頂樓30樓，一入去就畀佢嘅裝潢同景色震撼到。由於位處高樓層，所以可以180度咁睇到灣仔跑馬地嘅壯麗夜景，光景璀璨，美景同美食點只雙倍享受！餐廳內部裝修非常時尚、摩登，有一個巨型LED大屏幕播放住各式各樣嘅MV，聲效同畫面都好震撼。晚上一過9點，仲有Live Band演出，音樂風格多樣，讓整個用餐過程都充滿咗歡樂同活力。🔶三文魚子牛油果多士/西班牙火腿蕃茄莎莎多士前菜我哋點咗三文魚子牛油果多士同西班牙火腿蕃茄莎莎多士。三文魚子牛油果多士真係好正，牛油果蓉打到好creamy，再加上微鹹嘅三文魚子，完全帶出牛油果嘅天然油脂味，同時又唔太過油膩，非常平衡，口感相當豐富。至於西班牙火腿蕃茄莎莎多士，蕃茄蓉同埋紅蔥頭碎嘅味道非常濃郁，加上生洋蔥嘅輕微辣感，配埋鹹香嘅西班牙火腿，真係每一口都唔同層次。🔶法式鮮蠔湯配香蔥牛油麵包粒蠔湯鮮甜濃郁，蠔味十足，每一口都品嚐到海洋嘅味道。搭配嘅麵包粒外脆內軟，加上香蔥牛油，食起來非常香口，真係意猶未盡。🔶慢煮西班牙豬架配蘋果醬（加配蒜香牛油烤野菌）慢煮
餐廳內部裝修非常時尚、摩登，有一個巨型LED大屏幕播放住各式各樣嘅MV，聲效同畫面都好震撼。晚上一過9點，仲有Live Band演出，音樂風格多樣，讓整個用餐過程都充滿咗歡樂同活力。
🔶三文魚子牛油果多士/西班牙火腿蕃茄莎莎多士
前菜我哋點咗三文魚子牛油果多士同西班牙火腿蕃茄莎莎多士。三文魚子牛油果多士真係好正，牛油果蓉打到好creamy，再加上微鹹嘅三文魚子，完全帶出牛油果嘅天然油脂味，同時又唔太過油膩，非常平衡，口感相當豐富。
至於西班牙火腿蕃茄莎莎多士，蕃茄蓉同埋紅蔥頭碎嘅味道非常濃郁，加上生洋蔥嘅輕微辣感，配埋鹹香嘅西班牙火腿，真係每一口都唔同層次。
🔶法式鮮蠔湯配香蔥牛油麵包粒
蠔湯鮮甜濃郁，蠔味十足，每一口都品嚐到海洋嘅味道。搭配嘅麵包粒外脆內軟，加上香蔥牛油，食起來非常香口，真係意猶未盡。
🔶慢煮西班牙豬架配蘋果醬（加配蒜香牛油烤野菌）
慢煮西班牙豬架配蘋果醬絕對係主菜中嘅亮點。豬架粉嫩柔軟，外層香煎得恰到好處，帶出微微嘅油脂，但唔會覺得過份油膩。加上酸酸甜甜嘅蘋果醬嘅點綴，效果非常清新解膩。呢道菜仲配上蒜香牛油烤野菌，有唔同種類嘅菇類，口感非常豐富，每一種菇都烤得香氣四溢，提升咗成道菜嘅層次感。
🔶西班牙蒜片炒蝦
蝦肉鮮甜彈牙，蒜片嘅香味提升咗成道菜嘅風味，真係一試難忘。
🔶焦糖蘋果蛋糕
最後當然唔少得要試吓佢哋嘅甜品，我哋揀咗焦糖蘋果蛋糕。呢個蛋糕中間夾有粒粒嘅蘋果，食起來非常清新，加上焦糖點綴，帶出淡淡嘅甜味但唔會過膩，成個甜品非常平衡，係一個完美嘅收官。
總括嚟講，"City Dancer Grill and Live Music Bar"真係一個絕對值得一去嘅高級餐廳，無論係膳食定環境都無可挑剔。如果想要一個難忘嘅夜晚，喺無敵嘅夜景下享用美食，呢度絕對唔會失望。
張貼
