海岸扒房

營業中

休息中

高空景色，無敵海景，望住咁靚嘅風景食飯，簡直就係心曠神怡，食物水準超棒。今日叫咗個牛扒同埋羊架，肉眼牛扒，非常之有牛肉味，而且夠肉汁，又鮮嫩，再配上佢嘅醬汁，簡直就係味道豐富，之後再食個原味加一啲鹽，又有另一個味道。羊架外邊有啲脆，裏便好軟腍腍，簡直係性價比高，今日叫咗個甜品，朱古力慕絲蛋糕加朱古力雪糕，個朱古力蛋糕唔會太甜，啱啱好，個雪糕亦都好好味，入口就溶化，亦都冇冰嘅，我覺得呢度嘅食物好有水準，而且環境一流，值得推薦。交通就冇咁方便，因為附近冇地鐵站，要坐巴士或者的士或者揸車嚟，服務就非常之好又有禮貌，而且好細心體貼。