影片
更多
2020-08-08
930 瀏覽
今日嚟到Fiveguys,一間享負盛名嘅過江龍漢堡包店。首先室內設計好簡約, 同時都好整潔，俾人一種自在嘅感覺。 第二係服務, 因為Fiveguys 係請外國人,所以落單要用英文, 唔係對所有人都咁方便。但佢哋好熱情好客,講唔到英文都唔會尷尬。第三係食物,首先份量非常之大,每樣野都會使用放大電筒照完咁。今日我食咗雙層芝士漢堡,但係同金拱門絕對冇得比。首先麵包質素唔同,呢度烘過,麵包都軟硬適中。由於漢堡包用錫紙包着,保溫一流,所以裏面溫度保持得好好，芝士自然Keep住半溶化嘅狀態。牛肉都係juicy,正常貴價漢堡包嘅質素。配料增加口感,蘑菇炒過好香,蕃茄令成件事唔會太油膩可以keep住食。另外薯條炸得好脆,份量都好大。由於係新鮮炸所以仲食到薯仔嘅爽脆同香味。評分：食物：4/5環境：4/5服務：4/5總分：12/15
首先室內設計好簡約, 同時都好整潔，俾人一種自在嘅感覺。
第二係服務, 因為Fiveguys 係請外國人,所以落單要用英文, 唔係對所有人都咁方便。但佢哋好熱情好客,講唔到英文都唔會尷尬。
第三係食物,首先份量非常之大,每樣野都會使用放大電筒照完咁。今日我食咗雙層芝士漢堡,但係同金拱門絕對冇得比。首先麵包質素唔同,呢度烘過,麵包都軟硬適中。由於漢堡包用錫紙包着,保溫一流,所以裏面溫度保持得好好，芝士自然Keep住半溶化嘅狀態。牛肉都係juicy,正常貴價漢堡包嘅質素。配料增加口感,蘑菇炒過好香,蕃茄令成件事唔會太油膩可以keep住食。
另外薯條炸得好脆,份量都好大。由於係新鮮炸所以仲食到薯仔嘅爽脆同香味。
評分：
食物：4/5
環境：4/5
服務：4/5
總分：12/15
張貼