House of Joy Oyster Bar and Restaurant

營業中

休息中

今日去開文化館附近做嘢，難得早咗收工，就諗住去悅滿軒食飯今次終於食到佢哋嘅法國生蠔，勁抵食一隻$10，平時遲少少嚟到都會賣晒。一次過嗌咗6隻，肉質肥美，而且仲好新鮮。🌟西班牙伊比利亞羊扒羊扒燒得啱啱好，好多肉汁，每一啖都有香烤味，加埋羅師傅自家製嘅莎莎醬同紅菜頭醬高更加鮮甜，食得左都唔會滯。而自家製羊肉腸都好juicy。🌟烤阿根廷紅蝦牛油果沙律牛油果係蓉狀，份量好多，上面係沙律同埋燒得肥美既新鮮紅蝦，成啖食落好脆口。蝦肉好彈牙同熱情果醋好夾👍係好開胃嘅一道前菜🌟香煎法國鵝肝配法國甜包外脆內軟嘅鵝肝，配埋無花果淡淡甜香嘅味道，再加法國甜包，減少咗鵝肝既油膩感，正！