影片
有關獎賞計劃
優惠
好友介紹推薦一間唔太就腳，地點就在饒宗頣文化館附近，喺山上面，因為我哋係自己揸車上去，該處亦有十幾個車位提供（只需要在餐廳付款時順道給予$50行政費用便可）泊車後行上去感覺已經似去咗新界鄉郊，環境好寧靜有一個小型嘅荷花池，有一啲提供俾人做展覽嘅廳館，亦都有一間小店，還有一個可以租住休憩好似酒店小旅館…飯前或飯後行吓吸吓新鮮空氣，感覺都好舒服呀👍🏻一踏入餐廳環境氣氛好好，店員招呼及態度都好親切，食物擺碟同質素都好唔錯👍🏻仲有超級抵食，$10一隻嘅生蠔🦪我當日係食午餐，但係侍應嘅招待餐廳內嘅環境都幾有酒店嘅氛圍，首先上菜係一個蔬菜蕃茄前菜同南瓜湯跟一件好少嘅麵包，屬於佢哋自家製嘅麵包好好食呀，我要外賣，肉眼件頭唔細又有水準，再品嚐佢哋自家製嘅雪糕，我哋選擇嘅係朱古力味有微微嘅酒香唔太甜，但係佢又唔係黑朱古力，總括嚟講餐廳值得推薦👍🏻如果有特別日子生日或紀念慶甜品仲有寫字打吓卡影吓相，係一個唔錯嘅地方
繼續閱讀
過年前同同事食團年午飯，同事推介一間喺饒宗頣文化館入邊嘅法式西餐廳，佢試過好食又唔貴。前一日經OpenRice book咗中午12點，坐低10分鐘左右餐廳已經full晒，餐牌上面嘅lunch set價錢合理，大概$130～$260左右，有9款選擇，另外餐廳而家做緊優惠$10一隻生蠔，一份set可以叫六隻，我哋一行四人叫咗4個lunch set，加咗兩打生蠔，2份西冷配烤薯菜，1份豬鞍扒配燒薯菜同埋1份鵝肝意大利飯。生蠔雖然唔係好大隻，但都好鮮甜，試食同事嘅西冷扒同埋豬鞍扒都好嫩滑，我自己個鵝肝意大利飯，鵝肝都好肥美，完全冇臊味😋😋😋第一次lunch食生蠔，覺得好誇張😂😂有機會一定要再嚟試吓👍🏻👍🏻
繼續閱讀
近日秋高氣爽，作為香港人的我也未遊歷過位於美孚的饒宗頤文化館，所以就趁這天朗氣清的日子，相約閨密去這裡逛逛! 館內的建築物很有英國建築特色，而且小妹還發現位於文化館中庭位置內，有一間很有歐陸式建築的餐廳 ~ House of Joy 「悅滿軒」，餐廳的外牆設計非常有外國小鎮情懷，當日我哋就來這間餐廳品嚐晚餐!餐廳內的佈置很簡約優雅，而這裡的menu也很吸引，當晚我哋就order咗1 set “Chef Tasting Menu” ($688 for 2 persons)，另外再order 多半打法國生蠔。侍應話呢度啲生蠔是來自法國，$10一隻非常抵食，所以就叫了半打試試! 生蠔味道不太濃，有海水味，質感爽口，size 較細，但性價比很高，尚算不錯!再來是 starter，小妹就要咗個「甘筍南瓜湯」，湯濃度恰到好處，非常有新鮮蔬果味，好健康!至於second course， 小妹就要咗個「藍鯨吞拿魚他他配牛油果蓉多士」， 而閨蜜就要咗個「法式凍龍蝦肉醬配芒果莎莎」，兩個賣相都超靚超精緻，也可能是開胃前菜關係，份量較细，淺嘗一口，令你一試難忘!Main course 我就要咗個「香煎智利黑鱈魚配烤海鮮跟海鮮蟹肉汁海鮮泡沫」。 單是賣相已經是無法抗拒，鱈魚肉質嫩滑，再配埋海鮮蟹肉和打成的海鲜泡沬一齊食，味道鮮甜可口，口感一流! 小妹超鐘意這道菜!而小妹的閨密就要咗個「慢煮美國小牛排配蕃茄汁意大利麵」，小牛排好有牛味，而且肉質很鬆化，配埋個意粉一齊食，極度有滿足感!至於甜品，英式「Apple pie」 OK，酥皮脆度適中，不太甜；而「麵包布甸配雲呢拿雪糕焦糖汁」，甜度比較淡口，麵包布甸口感比較軟身，所以小妹覺得要配埋雪糕同crumble脆脆一齊食，再加嘆住一杯滴漏咖啡，感覺會好味點，完美點! 今次能夠找到這間隱世餐廳「悦滿軒」真是有House of Joy 的感覺 ～ 開心! 如果大家有機會來這裡遊遊，不妨也來「悅滿軒」望望，真心覺得這間餐廳很有fine dining 水準， 而且老闆侍應個個都好nice! 值得推介這間既有創意又有實力的隱世餐廳!
繼續閱讀
今日第一次嚟到位於美孚嘅「House of Joy Oyster Bar and Restaurant」呢間西餐廳☺️，餐廳嘅裝潢十分有歐洲風味😜！站喺店門口，可以感到一股濃厚嘅西式氛圍！餐廳環境乾淨整齊，光線明亮，心情都開朗起來😎。通常午餐我都會選擇比較重口味嘅食物，但今日我決定試吓佢哋嘅特色西餐！😇🔸 慢煮法國鵪鶉配鵝肝意大利飯 $198，鵪鶉煮得好嫩滑，鵝肝香滑濃郁，配埋香滑嘅意大利飯，真係齒頰留香，味道一流！🔸 火腿芝士拼盤 $248，火腿同芝士配搭得非常好，火腿鹹香，芝士濃郁，兩者嘅味道互相輝映，真係令人一試難忘！🔸 烤焗法國脆皮黃油雞配炒栗子椰菜仔西班牙紅椒忌廉汁 $278，黃油雞烤得外皮香脆，內裡嫩滑，再配埋炒栗子、椰菜仔同西班牙紅椒忌廉汁，味道層次豐富，真係食到停唔到口！「House of Joy Oyster Bar and Restaurant」嘅每款菜式都帶有濃濃嘅歐洲風味，十分推薦大家去試試！
繼續閱讀
牛肝菌黑松露忌廉汁意大利飯：濕潤軟糯嘅米飯，忌廉味好濃，仲有好滑嘅野生牛肝菌同埋高級食材黑松露，食落去真係好驚喜！好味到喊出嚟❣️蘋果木煙燻西班牙乳豬：乳豬皮已經燒到金黃酥脆🐷 再配埋餐廳自製嘅印尼燒烤汁一齊食，鹹香味好夠！乳豬下面仲鋪咗一層法式薯仔蓉，軟綿綿嘅口感同鮮嫩多汁嘅乳豬，真係世界級！🦪 法國生蠔：呢排餐廳仲做緊優惠，法國生蠔只係$10一隻，真係好抵食！我哋叫咗8隻嚟食，隻隻肉質肥美，味道鮮甜，一啲腥味都冇👌🏻🍷紅酒：我見佢地紅白酒依家都做緊優惠，任飲兩個鐘只係$128。雖然話紅白酒free flow但係品質都好高，餐廳冇求其敷衍客人，呢個真係正☝🏻我自己就比較鍾意果香味濃啲嘅紅酒，大部分都好好入口，酸甜度都好平衡👅
繼續閱讀