影片
更多
2015-08-21
642 瀏覽
最近我有一個日本料理嘅發燒友，forward左個message比我，內容大致上係有關某某國家因日本嘅海產有輻射，所以禁止日本食材進口之類。作為日本料理fans嘅我哋，睇到呢啲消息，真係有啲激動，為咗表示我地的對日本食材嘅信心，我哋發起去豪食一次日本料理，行動作支持。上網左睇右睇我哋決定以我omakase 作為搜索嘅指引，最後選定左呢間信州日本料理，作為今次豪食嘅對象。走進呢間有開放式廚房嘅日本料理。店鋪雖然唔係好大，但係就係呢一種店舖先咁有親切感。枱面嘅擺設乾乾淨淨整整齊齊。菜單上有好多唔同嘅菜式，一些烏冬，小食價錢都係非常抵食。今次既然係諗住豪食，所以我哋呢就主要集中係佢嘅皇牌 Omakase Set dinner 。兩個套餐選擇: 一個係 $688，另一個係$888，唔同嘅分別係$888多左生蠔。而且刺身同壽司既件數$888係5件，$688得三件。兩個都非常之吸引，既然係第一次黎，我最後都係選擇左$688，先是咗個入門版先，留返個豪華版下一次再嚟試。旬前菜我前菜有海膽溫泉蛋同菠菜，即係個前菜都做得非常有心機。刺身盛三種刺身有三款，全部都係時令嘅海產冇三文魚，吞拿魚，魷魚，八爪魚之類
作為日本料理fans嘅我哋，睇到呢啲消息，真係有啲激動，為咗表示我地的對日本食材嘅信心，我哋發起去豪食一次日本料理，行動作支持。
上網左睇右睇我哋決定以我omakase 作為搜索嘅指引，最後選定左呢間信州日本料理，作為今次豪食嘅對象。
走進呢間有開放式廚房嘅日本料理。店鋪雖然唔係好大，但係就係呢一種店舖先咁有親切感。
枱面嘅擺設乾乾淨淨整整齊齊。
菜單上有好多唔同嘅菜式，一些烏冬，小食價錢都係非常抵食。今次既然係諗住豪食，所以我哋呢就主要集中係佢嘅皇牌 Omakase Set dinner 。兩個套餐選擇: 一個係 $688，另一個係$888，唔同嘅分別係$888多左生蠔。而且刺身同壽司既件數$888係5件，$688得三件。
兩個都非常之吸引，既然係第一次黎，我最後都係選擇左$688，先是咗個入門版先，留返個豪華版下一次再嚟試。旬前菜
我前菜有海膽溫泉蛋同菠菜，即係個前菜都做得非常有心機。
刺身盛三種刺身有三款，全部都係時令嘅海產冇三文魚，吞拿魚，魷魚，八爪魚之類大路嘅急凍食物，大廚選擇左甜蝦，拖羅，帶子，每樣兩片。重點係：大家都知道兩片拖羅分分鐘已經係三、四佰蚊，呢個啲矜貴既刺身已經值回票價。
店員建議先由帶子鮮蝦食先，最後先至食拖羅。拖羅油脂分布平均，入口即溶，魚嘅鮮味濃郁，真係唔捨得甘快食曬，兩片真係唔夠喉。早知係咁，叫個豪華版嘅888啦！
刺身食落去就知道系非常新鮮，刺身光澤度足夠，清甜，爽口，冇腥味。蝦頭裏面仲有好多新鮮嘅蝦膏，千其唔好走雞。
半燒日本鹿兒島A5和牛
和牛嘅脂肪和牛味係精髓，大廚燒香左和牛嘅外層，增加香味，店員建議我哋先試吓原味再加附上既洋蔥姜蓉蒜片等，睇上去薄薄嘅一片和牛，每一片都非常滋味
和牛嘅原味非常突出，我覺得原味原汁原味嘅時候係最好食既，所以我冇加任何嘅配料，一片一片咁直接享受。季節魚湯
簡單嘅一碗魚湯已經帶出一份無限嘅溫暖。湯裡有冬菇同魚片，魚片已經冇乜鮮味啦，因為鮮味都溶化係湯裏面。
季節燒魚燒油甘魚下巴，食到雪白而滑滑魚肉，可能燒物無刺身甘鮮美，做法不同，無甘驚喜，ok 之作。
季節天婦羅呢個蔬菜+ 蝦天婦羅係我食過天婦羅裡數一數二做得好食嘅，沒有油膩感，外層係爽脆嘅，全部蔬菜感覺清新 。
特色是令壽司三點食到最後已經七分飽啦，之後黎三件壽司，再度令我眼前一亮--- 個拖羅軍艦尤其好味!
細細的一口飯，份量啱啱好。壽司上既食材份量大得滿足，一口壽司，無窮滋味。日本雪糕或雪芭
最後我選擇左西柚雪芭作甜品，呢一餐飯真係食到滿足，食材新鮮，幾道主菜都好高水準，唔同既變化食盡日本的時令菜式。
我哋決定左係不久嘅將來，會再翻黎食呢度嘅888蚊套餐。
題外話/補充資料：
呢度嘅服務非常周到，店員好勤力添茶，而且每上一道菜，店員都會介紹佢嘅品種同名稱，令我哋可以進一步認識自己食咗啲乜嘢，食得Omakase其實就係想知道大廚為我地準備左啲咩時令食材，呢種服務態度值得一讚。
(以上食評乃用戶個人意見 , 並不代表OpenRice之觀點。)
張貼
