漁火海鮮刺身火鍋

營業中

休息中

表姐從美國來港旅遊，我帶咗佢去銅鑼灣shopping,之後去附近食火鍋。漁火海鮮刺身火鍋環境闊落，招呼週到，主打高質火鍋配料，亦有提供多款新鮮刺身。花膠響螺燉赤肉：上枱已經香氣四溢，內有花膠、響螺、瑤柱、赤肉等，真材實料用燉的煮法，原汁原味，濃郁鮮甜。用咗桶形花膠，食落有厚度有膠質，骨膠原豐富。蘇格蘭蟶子皇好新鮮，是深海海鮮，特點是肉質肥厚，肉質爽脆。雪白鮮鱔片：用咗大條嘅白鱔起肉，所以鱔片厚肉又大片，口感爽彈，味道鮮甜。即炸鬆脆響鈴：配以新鮮腐皮即叫即炸而成，上枱個陣仲係新鮮熱辣，即食香脆可口，浸湯豆味香濃。時令什菜籃：蔬菜都好新鮮，有菜心、白菜、西洋菜、粟米、鮮冬菇。清甜可口。椒鹽海中蝦：蝦肉鮮甜爽口，加上椒鹽和炸蒜,十分惹味。自家竹蔗茅根：味道可口清甜，有助利尿祛濕、滋潤止咳。