弁慶 御好燒 鐵板燒

營業中

休息中

放工同一個大學同學聚舊，佢帶咗我去中環樓上一間比較少人識去嘅日式鐵板燒餐廳聚一聚。餐廳裏除咗有吧枱，可以一邊望住師傅整鐵板燒一邊食野。 如果唔想比d 煙味攻親，有d 私人空間，亦可以選擇近窗邊嘅卡位坐下。而我同朋友，當然選看廚師煮野食既高檯位置坐下。豪華大阪御好燒超厚超足料、打卡必點。有兩隻蝦、兩粒帶子放係御好燒上。蝦肉名晶凝通透、新鮮爽滑彈牙。帶子亦好爽滑。御好燒，整到唔淋，食落好爽口，唔會覺得好濟。牛舌鐵板煎出嚟嘅牛舌非常爽口彈牙唔會過un ，食得出好友牛舌味。鰻魚玉子燒非常厚身嘅鰻魚俾玉子包住，玉子外面煎到金黃香脆。食落去好多層次嘅口感。鰻魚仲有汁同夠爽口。雞蛋吸收鰻魚汁更加香。蕃茄芝士汁雞腿扒雞超多蕃茄好清足、估唔到啲雞肉咁爽滑嫩口彈牙，再配埋蕃茄芝士汁，令雞味更出。枝豆非常新鮮、呈青綠色、食落非常夠豆香、唔會腍。柚子梳打夠晒清新解渴，飲完醒神晒，亦唔會過甜。