影片
更多
2023-06-28
55 瀏覽
今日帶媽咪去食好嘢。我哋叫咗兩個$580嘅set食。再叫咗個鵝肝多士，甜品同一杯酒雪本釀造share，嘆返下。鵝肝多士$138呢度嘅鵝肝多士好特別，一般嘅鵝肝都係配以意大利黑醋醬食，但係呢度除咗有黑醋醬，塊多士仲搽咗啲檸檬cream同埋菠蘿醬，同鵝肝夾住一齊食，感覺會冇咁油膩，清爽一啲。鵝肝煎得外表金黃香脆，入口香，有少少溶化嘅感覺。菊 正宗純米酒 $99呢支米酒好易入口，酒味不會太濃烈，淡淡嘅咪酒香，好啱女仔飲同埋初飲酒者。不得不提呢度嘅酒杯好特別，係十二生肖，精緻美觀。入門廚師發板套餐(五道菜）x2沙律沙律菜以意大利黑醋調味，除咗沙律菜之外，仲有三文魚，新鮮多汁清甜嘅菠蘿，龍珠果同埋蕃茄仔。鐵板海鮮兩品有五款海鮮選擇，白鱔，東星斑，帶子，帆立貝及鮑魚，挑選兩款。我哋二人分別揀咗帶子，鮑魚同埋東星斑。帶子連埋意大利黃瓜一齊食，帶子半熟好鮮味。鮑魚配以自家製嘅蒜蓉，好惹味，鮑魚口感彈牙。東星班嫩滑。啲海鮮連埋伴碟嘅蝶豆花泡泡一齊食，可以增加鮮味。鐵板肉類一品沖繩豬，雞同埋澳洲牛柳任選一款。我哋牛魔王都揀咗澳洲牛柳，揀咗五成熟。牛柳煎得火候啱啱好， juicy,口感軟腍，連埋炸蒜片一齊食
鵝肝多士$138
呢度嘅鵝肝多士好特別，一般嘅鵝肝都係配以意大利黑醋醬食，但係呢度除咗有黑醋醬，塊多士仲搽咗啲檸檬cream同埋菠蘿醬，同鵝肝夾住一齊食，感覺會冇咁油膩，清爽一啲。鵝肝煎得外表金黃香脆，入口香，有少少溶化嘅感覺。
菊 正宗純米酒 $99
呢支米酒好易入口，酒味不會太濃烈，淡淡嘅咪酒香，好啱女仔飲同埋初飲酒者。不得不提呢度嘅酒杯好特別，係十二生肖，精緻美觀。
入門廚師發板套餐(五道菜）x2
沙律
沙律菜以意大利黑醋調味，除咗沙律菜之外，仲有三文魚，新鮮多汁清甜嘅菠蘿，龍珠果同埋蕃茄仔。
鐵板海鮮兩品
有五款海鮮選擇，白鱔，東星斑，帶子，帆立貝及鮑魚，挑選兩款。我哋二人分別揀咗帶子，鮑魚同埋東星斑。帶子連埋意大利黃瓜一齊食，帶子半熟好鮮味。鮑魚配以自家製嘅蒜蓉，好惹味，鮑魚口感彈牙。東星班嫩滑。啲海鮮連埋伴碟嘅蝶豆花泡泡一齊食，可以增加鮮味。
鐵板肉類一品
沖繩豬，雞同埋澳洲牛柳任選一款。我哋牛魔王都揀咗澳洲牛柳，揀咗五成熟。牛柳煎得火候啱啱好， juicy,口感軟腍，連埋炸蒜片一齊食好香口，又或者可以連Wasabi及竹炭海鹽一齊食，又有另一番風味。
炒飯
炒飯簡單以甘筍粒，香蔥，蒜蓉，雞蛋炒，炒得粒粒分明，好有鑊氣。炒飯仲有一隻虎蝦，嗰隻虎蝦好好蝦味，好鮮甜，好彈牙，呢個炒飯真係好好味。
是日甜品
甜品係檸檬雪葩配柚子皮，食落非常清新清甜，微酸好解油膩。
之後我哋仲加咗個雪糕$58，係豆腐雪糕配紅豆沙爆珠，個爆珠係紅豆沙，口感好得意，豆腐雪糕口感creamy。
總括而言，呢間餐廳細細，環境裝修得都幾特別，食物價錢幾親民，性價比高，擺盆都幾精緻，最啱想食鐵板燒，但又唔想食咁貴嘅來試吓。
張貼
