影片
更多
2022-09-24
351 瀏覽
諗住出開旺角就去食由上水開到出來的米線名店鳳鳴居，想試好耐😋星期六大約12點15分嚟到，可能一開鋪放晒第一輪啲人入去，我攞飛二人枱第二張飛，但最後都等咗半個鐘先入到去。不過發現我入去之後就好似唔使點等都入到🤦🏻♂️所以，如果大家嚟食可以試吓1245呢啲時間到都好快有位。我叫咗個招牌醉香雞湯米線，原來只係$52！另外再加$10加埋芥末沙律球。個湯好香勁有酒味，我差唔多飲晒啲湯，下次試吓加$8加酒再濃啲酒味先！米線份量就有啲少，女仔食應該啱啱好，男仔食就未必夠飽。啲雞都幾滑，不過有一半雞件都比較多骨，最驚係有少少碎骨，差啲哽親。至於個芥末沙律球就有啲失望，上到嚟先知之來係類似打邊爐芝心丸咁，味道正常唔難食嘅。另外，我叫咗個黃金魚皮。我就覺得$40嚟講都算幾香口幾好味，不過朋友就覺得油膱味好勁唔好食。整體來講鳳鳴居米線喺同類型藥膳米線之中性價比都好高，算比較抵食。值得一提的是呢度Keep住播廣東歌，仲播得幾大聲，最正係d staff會跟住大聲唱，勁high咁😂我就覺得呢個vibe好正！
我叫咗個招牌醉香雞湯米線，原來只係$52！另外再加$10加埋芥末沙律球。個湯好香勁有酒味，我差唔多飲晒啲湯，下次試吓加$8加酒再濃啲酒味先！米線份量就有啲少，女仔食應該啱啱好，男仔食就未必夠飽。啲雞都幾滑，不過有一半雞件都比較多骨，最驚係有少少碎骨，差啲哽親。至於個芥末沙律球就有啲失望，上到嚟先知之來係類似打邊爐芝心丸咁，味道正常唔難食嘅。
另外，我叫咗個黃金魚皮。我就覺得$40嚟講都算幾香口幾好味，不過朋友就覺得油膱味好勁唔好食。
整體來講鳳鳴居米線喺同類型藥膳米線之中性價比都好高，算比較抵食。值得一提的是呢度Keep住播廣東歌，仲播得幾大聲，最正係d staff會跟住大聲唱，勁high咁😂我就覺得呢個vibe好正！
醉香雞湯米線
31 瀏覽
0 讚好
0 留言
黃金魚皮
11 瀏覽
2 讚好
0 留言
張貼
