土耳其小城 (萬昌樓) (已結業)

今日同朋友行街，行到有少少肚餓就搵間餐廳去醫下肚。而呢間土耳其餐廳好有特色風格，睇門口嘅招牌已經感覺到充滿異國氣息。🇹🇷烤野雞肉卷餅 $65呢個烤雞卷餅一份切開兩卷，份量勁大!! 入面配有雞肉,生菜,蕃茄,洋蔥同埋有啲沙律醬，食落口感層次非常豐富。🇹🇷木炭烤羊件 $138芫荽籽完美減弱左免治羊肉嘅羊羶味，羊肉肉質都相當嫩，羊膏唔多，完全唔會有肥膩嘅感覺，再加上經靚鹽烤過嘅肉係非常入味呀～🇹🇷芒果乳酸 $42濃厚嘅乳酸同酸酸甜甜嘅芒果簡直就係十分完美嘅配搭，係炎炎夏日一定需要嘅冰涼飲品🥭🇹🇷薄荷茶都係一大重點，用新鮮薄荷葉放入杯，再倒入啱啱好嘅滾水，加上蜂蜜，清涼之餘又非常清甜～🍃🇹🇷蒜油烤餅 $28啱啱擺入口，蒜香同牛油香味一齊攻佔左我嘅味蕾，餅都唔會淋，啱啱烤好非常脆口，會想再嗌多d。