影片
更多
2019-01-22
1095 瀏覽
第一次去挪亞方舟食 Buffet, 主題 “泰·德·意”! 有幸安排窗口位, 成晚望住青馬大橋靚景, 賞心悅目!既然主題係 “泰·德·意” 當然包含三個地方既美食! 德國豬手 (超推介! 超推介! 超推介! ~ 重要事情講3次! 皮脆肉嫩, 好香口, 好入味, 唔會燒到好硬) 德國腸拼 (愛好食香腸既朋友讚不絶口) 香葉烤雞, 泰式魚柳, 泰式炒魷魚 (呢三味泰菜都辣辣的, 好惹味, 其中魚柳好滑, 魷魚唔靭, 讚) 紅酒燴牛肉 (牛肉炆得好淋, 一叉即散, 味道超濃郁) Pizza (太飽無食, 無謂同小朋友爭食), 燒排骨…etc. 侍應哥哥話每日都有不同的廚師推介菜式, 我去嗰日係 ~ 豉油雞! 雞唔肥, 好入味, 連雞胸都滑滑的! 我食左3件 餐廳外有燒烤區 & 意粉區 ~ 燒烤有羊扒, 豬扒, 牛扒, 雞翼, 脆肉瓜, 鯖魚…etc. 源源不絕供應, 牛扒仲問我要幾成熟 (可能因為企我前面個客話要全熟再熟 d)….咁多款燒物當中我最欣賞羊扒 & 豬扒! 羊扒一 d 唔羶, 有咬口之餘唔靭! 豬扒亦係驚喜之作, 無用鬆肉粉, 仲有醃過 tim…意粉即叫即炒, 有菇菇, 洋蔥,
既然主題係 “泰·德·意” 當然包含三個地方既美食! 德國豬手 (超推介! 超推介! 超推介! ~ 重要事情講3次! 皮脆肉嫩, 好香口, 好入味, 唔會燒到好硬) 德國腸拼 (愛好食香腸既朋友讚不絶口) 香葉烤雞, 泰式魚柳, 泰式炒魷魚 (呢三味泰菜都辣辣的, 好惹味, 其中魚柳好滑, 魷魚唔靭, 讚) 紅酒燴牛肉 (牛肉炆得好淋, 一叉即散, 味道超濃郁) Pizza (太飽無食, 無謂同小朋友爭食), 燒排骨…etc.
德國豬手
28 瀏覽
0 讚好
0 留言
侍應哥哥話每日都有不同的廚師推介菜式, 我去嗰日係 ~ 豉油雞! 雞唔肥, 好入味, 連雞胸都滑滑的! 我食左3件
豉油雞
27 瀏覽
0 讚好
0 留言
餐廳外有燒烤區 & 意粉區 ~ 燒烤有羊扒, 豬扒, 牛扒, 雞翼, 脆肉瓜, 鯖魚…etc. 源源不絕供應, 牛扒仲問我要幾成熟 (可能因為企我前面個客話要全熟再熟 d)….咁多款燒物當中我最欣賞羊扒 & 豬扒! 羊扒一 d 唔羶, 有咬口之餘唔靭! 豬扒亦係驚喜之作, 無用鬆肉粉, 仲有醃過 tim…
意粉即叫即炒, 有菇菇, 洋蔥, 火腿 & 煙肉做配料! 加白汁炒好後再放落大大之士盤去撈勻, 濃濃芝士香, 企喺度都聞到! 食落好 creamy, 意粉用 angel hair, 唔會太淋身, 條條都掛滿汁
刺身有三文魚, 八爪魚, 鯛魚, 吞拿魚, 師傅即場手切, 仲比好多片! 壽司選擇超多, 不過我試其中一兩款就無再 Encore 啦, 仲有咁多嘢食, 唔想太飽 ma (如果有我最愛既左口邊就唔同講法)!
當然各式沙律, 芝士拼盤, Cold cut, 日式前菜, 冷麵…etc 都一定有啦, 不過最出奇既係有枝竹羊腩煲 & 豬腳薑醋食, 我好想試豬腳薑架, 不過無機會, 每次見到出一盤新既, 我行到埋去都係比人攞晒 d 豬腳, 只怪我腳短行得太慢! 羊腩炆得好淋, 大大件, 仲無羶味 (啱我)!
海鮮冷盤有驚喜, 🦀🦀 長腳蟹好好食，肉質好結實，保留有少少海水味，鮮甜肉厚!
長腳蟹
30 瀏覽
0 讚好
0 留言
長腳蟹
32 瀏覽
0 讚好
0 留言
23 瀏覽
0 讚好
0 留言
蝦
20 瀏覽
0 讚好
0 留言
海螺
29 瀏覽
0 讚好
0 留言
我好欣賞佢哋既醬汁區域, 無論沙律定燒烤食品, 都有好多不同口味醬汁比客選擇!
咁當然有汽水, 即沖咖啡, 茶呢類普通嘢啦, 竟然連啤酒都任飲 wor
餐廳本身甜品種類繁多, 都未開始食, 餐廳就送我一個 “期間限定” 甜品賞鮮! 係情人節當日先有既
“燕窩士多啤梨芝士撻”! 撻皮厚薄適中, 鬆脆唔硬, 芝士慕士香軟幼滑, 中間仲夾有一層滿滿新鮮士多啤梨蓉, 甜甜的! 再配上酸酸的紅桑子, 超好味! 食一啖燕窩 ~ 靚左!
燕窩士多啤梨芝士撻
24 瀏覽
0 讚好
0 留言
燕窩士多啤梨芝士撻
21 瀏覽
0 讚好
0 留言
其中我最最最喜愛除左情人節限定芝士撻外, 首選美式芝士餅! 好濃厚, 好軟滑, 唔實, 好好味! 日式芝士餅好輕身, 好軟熟, 滿滿芝士清香! (係呀, 我係對芝士情有獨鍾架) Pancake 皮好薄, 餡料好多, 配料可隨意加! 梳乎厘好輕好軟, 即制即食熱辣辣!
都係嗰句啦, 如果有人問我值唔值得山長水遠去食餐飯, 我會答值得! 其實唔真係好遠, 只係15分鐘船 OR 10分鐘車, 我搭船入坐車出, 去到仲可以去埋挪亞方舟玩, 又多影相位, 仲有沙灘 tim, 好快就消磨左一個下午 lu…
張貼
