影片
更多
2025-05-05
0 瀏覽
呢間以手工pasta同瑞士x意大利菜聞名嘅餐廳竟然於觀塘區開分店(前兩間分店喺大坑同中環)，係觀塘工廠區靠近海濱嘅工廈地面舖，我好有興趣去睇下呢間嘅menu同環境同港島區嘅分店有無分別。店鋪環境都算寬敞，啲櫈坐得幾舒服，而且menu同價錢似乎同其他分店無異，無因為呢度係觀塘區而調整價錢。據聞呢度平日lunchtime非常多人，要預約先有位；但假日去就比較少人，唔使預約都有位。不過假日無lunch set只能散叫，一份意粉連飲品同甜品要二百幾蚊。 Ox Cheek & Pickled Walnut Ragu - Pappardelle ($178) ★★★★★賣相好出色，而且手工意粉烹調時間完美，好有al dente嘅感覺，pappardelle呢種極寬身嘅意粉亦好容易掛汁，配合類似beef stock嘅汁非常好食。牛面頰肉雖然份量不多，但味道完全無令人失望，煮得非常腍。面頭嘅巴馬臣芝士泡泡只有淡淡芝士味，無話對整體味道有好大影響。雖然睇落得幾條意粉，但可能因為啲汁比較濃稠，食完成碟都覺得飽。細細間舖都有幾位服務員並以英文對答，服務無問題。menu上嘅意粉種類同配搭對港人應該有新鮮感；唯
店鋪環境都算寬敞，啲櫈坐得幾舒服，而且menu同價錢似乎同其他分店無異，無因為呢度係觀塘區而調整價錢。據聞呢度平日lunchtime非常多人，要預約先有位；但假日去就比較少人，唔使預約都有位。不過假日無lunch set只能散叫，一份意粉連飲品同甜品要二百幾蚊。
Ox Cheek & Pickled Walnut Ragu - Pappardelle ($178) ★★★★★
Ox Cheek & Pickled Walnut Ragu - Pappardelle
$178
0 瀏覽
0 讚好
0 留言
賣相好出色，而且手工意粉烹調時間完美，好有al dente嘅感覺，pappardelle呢種極寬身嘅意粉亦好容易掛汁，配合類似beef stock嘅汁非常好食。牛面頰肉雖然份量不多，但味道完全無令人失望，煮得非常腍。面頭嘅巴馬臣芝士泡泡只有淡淡芝士味，無話對整體味道有好大影響。雖然睇落得幾條意粉，但可能因為啲汁比較濃稠，食完成碟都覺得飽。
細細間舖都有幾位服務員並以英文對答，服務無問題。menu上嘅意粉種類同配搭對港人應該有新鮮感；唯一考慮點就係呢個價錢食一碟意粉，即使喺中西區亦有好多高質選擇，甜品/飲品亦可能較呢間好。不過無論如何，對於喺觀塘覓食嘅朋友嚟講，呢間係值得一試。
張貼
