影片
更多
2025-04-20
0 瀏覽
呢間日式酒吧好有特色，可以比狗仔入場之餘，仲有個露天terrace ！今次試咗佢哋嘅二人前套餐（$650/2位），話係11品但我數到竟然有13品🤣 食物同飲品都好有驚喜，仲有個超得意嘅骰子Cocktail盒👍🏻一入座，枱面有個木盒，入面有個骰仔，每個數字代表一款Cocktail，客人可以擲骰決定飲咩Cocktail，啱晒選擇困難症嘅我 （雖然我都係睇返食評同埋樣去做決定🤣）但個覺得幾有 gimmick 👍🏻Sakura Blessing 桜雖然都會有一陣燒酒味，但係可能因為有玫瑰、檸檬、檸檬橙等等，所以唔算難入口。Maple Hunter 楓 呢杯有啲清新嘅感覺，桃茶同柚子都幾match ，都係易入口，有陣果香味唔算苦（但係都唔係甜架😂）雖然佢成杯橙汁咁，但係唔好俾佢呃到啊🤣前菜芥辣八爪魚八爪魚爽彈，份量好多，芥辣味微辣好開胃！炙燒北海道帆立貝帆立貝鮮甜嫩滑，炙燒過有陣炭香炙燒三文魚三文魚厚肉，半生熟，油脂香濃，入口即化逸品料理唐揚炸豆腐炸豆腐外脆內軟，甜甜地，配蘿蔔蓉好清新👍🏻蜜糖柚子雞翼8隻單骨，份量都幾多。酸甜嘅蜜糖柚子醬好惹味，雞肉外脆內juicy太卷壽喜燒牛肉 （各4件）牛肉
一入座，枱面有個木盒，入面有個骰仔，每個數字代表一款Cocktail，客人可以擲骰決定飲咩Cocktail，啱晒選擇困難症嘅我 （雖然我都係睇返食評同埋樣去做決定🤣）但個覺得幾有 gimmick 👍🏻
Sakura Blessing 桜
雖然都會有一陣燒酒味，但係可能因為有玫瑰、檸檬、檸檬橙等等，所以唔算難入口。
Maple Hunter 楓
呢杯有啲清新嘅感覺，桃茶同柚子都幾match ，都係易入口，有陣果香味唔算苦（但係都唔係甜架😂）雖然佢成杯橙汁咁，但係唔好俾佢呃到啊🤣
前菜
芥辣八爪魚
八爪魚爽彈，份量好多，芥辣味微辣好開胃！
炙燒北海道帆立貝
帆立貝鮮甜嫩滑，炙燒過有陣炭香
炙燒三文魚
三文魚厚肉，半生熟，油脂香濃，入口即化
逸品料理
唐揚炸豆腐
炸豆腐外脆內軟，甜甜地，配蘿蔔蓉好清新👍🏻
蜜糖柚子雞翼
8隻單骨，份量都幾多。酸甜嘅蜜糖柚子醬好惹味，雞肉外脆內juicy
太卷
壽喜燒牛肉 （各4件）
牛肉卷濃郁香口，太卷面有啲7味粉
牛油果忌廉芝士
清新啲，芝士唔會太膩，建議先試芝士再食牛肉，味道層次感更好🤘🏻
串燒
紫蘇雞腿肉
雞腿肉嫩滑，紫蘇葉味都唔算出，接受到
明太子山藥
山藥燒得脆口，山藥本身冇乜味，係靠明太子吊味，個人覺得清一清啲肉味都幾好
金菇肥牛卷
正常發揮，金菇中和咗肥膩感
溏心蛋豚肉卷
蛋黃流心同豚肉好match，影相嗰陣拎起已經爆咗，可能溏心蛋太重🤣 溏心蛋好滑偏濃味；豚肉就清清地，夾埋一齊食好啲
主食
鰻魚炒飯
又要再強調份量，多到呢，三個人都食到🤣鰻魚汁滿滿，鰻魚都幾多，唔錯
甜品
烏龍茶牛奶布甸
配一球好味唔死甜嘅雲呢拿雪糕。布甸滑溜震揗揗，烏龍茶香好濃，甜度啱啱好🫰
結論
- 質素唔錯，仲要份量好多！啱晒大胃王！
- 好chill安靜幾chill，仲可以揀啲矮啲嘅梳化仔坐，仲有室外位置，好啱gathering
好味度：8.4/10
張貼
