日山 (海運大廈)

營業中

休息中

日山 Hiyama一直都知呢間餐廳好full，所以早個幾月前就打去訂位。 好好彩比我訂得切，比個驚喜男朋友！但唔好彩既係當日落毛毛雨，成個維港灣景都睇唔到 T.T 不過唔緊要，我最期望既都係食物！！ 日山餐廳設計非常好，入口有條石磚竹路既走廊，分隔開用餐區域同接待處，提高客人用餐既私隱度。而餐廳裝潢都以日本木系風格，十分寬敞舒適。我地兩個人叫咗兩份主食。包括:山椒鰻魚飯 $288壽喜燒A5和牛嚴選部位及野菜盛 $498首先講下鰻魚飯，鰻魚唔算係好肥美，但肉質軟嫩。而廚師冇用過多既鰻魚汁，令鰻魚飯唔會太膩。鰻魚上面亦都放咗幾塊山椒葉，加埋鰻魚食又有另一種味道。日山員工好細心，係我地食完鰻魚飯之後，先上下一道主菜，和牛壽喜燒。係上菜之前，佢地會拎將會料理既A5和牛比食客過目，打過卡先，再拎返去比廚師料理。整體黎講，和牛唔算入口即溶，但牛肉味好濃郁。牛肉雖然好厚身，但完全唔會韌，每啖咬落去都滲出好濃既牛肉味同油脂香，加埋蛋汁一齊食，非常滑溜。加埋白飯一齊食，非常滿足。