影片
更多
2025-04-28
0 瀏覽
剛剛去完東京追櫻，返嚟就約老表食飯，一來聚聚舊，二來派吓手信。知佢好鍾意食扒，聽在地食友就極力推介呢一間西餐廳「Forkers」，皆因其主打自家熟成肉，更設有專業熟成櫃，夠專夠精，坊間算喺少見。甫踏入餐廳，整體感覺非常雅致，以湖水綠襯啡，有一份晌森林中嘅湖泊感。入門對正喺L形酒吧區，唔大，但正好啱晒打工族收工後嚟小酌幾杯。餐廳有兩個用餐區，一個就喺由酒吧區再行入咗，左右兩邊，右邊更睇得出喺可以間成一個廂房，適合10個、8個包晒呢片區。另一邊入門口轉左，可以講喺主用餐區，落地大玻璃之上有啲窗簾遮一遮，睇到窗外景，又唔會太過透，感覺舒服。加上多盞聚焦燈嘅燈效，令影相嘅效果都好啲。食物嘅選擇頗精簡，主要以套餐為主，分咗3、6、8道菜嘅套餐，定價由$398-$898；另外，仲有2人餐（$1,488）及3人餐（$1,988）供選擇。雖然只有套餐供應，明顯喺務求做到貴精不貴多，就算喺套餐，侍應都會問問你有無咩食、得唔食得，以作微調。飲品方面，既為酒吧餐廳，酒類選項自不然豐富啲，紅白餐酒、香檳、烈酒、啤酒……等等當然一應俱全，而且，更有啲餐酒配對優惠組合。而非酒精類嘅飲品，如啡茶、汽水，亦備有以照顧
甫踏入餐廳，整體感覺非常雅致，以湖水綠襯啡，有一份晌森林中嘅湖泊感。入門對正喺L形酒吧區，唔大，但正好啱晒打工族收工後嚟小酌幾杯。
餐廳有兩個用餐區，一個就喺由酒吧區再行入咗，左右兩邊，右邊更睇得出喺可以間成一個廂房，適合10個、8個包晒呢片區。
另一邊入門口轉左，可以講喺主用餐區，落地大玻璃之上有啲窗簾遮一遮，睇到窗外景，又唔會太過透，感覺舒服。加上多盞聚焦燈嘅燈效，令影相嘅效果都好啲。
食物嘅選擇頗精簡，主要以套餐為主，分咗3、6、8道菜嘅套餐，定價由$398-$898；另外，仲有2人餐（$1,488）及3人餐（$1,988）供選擇。雖然只有套餐供應，明顯喺務求做到貴精不貴多，就算喺套餐，侍應都會問問你有無咩食、得唔食得，以作微調。
飲品方面，既為酒吧餐廳，酒類選項自不然豐富啲，紅白餐酒、香檳、烈酒、啤酒……等等當然一應俱全，而且，更有啲餐酒配對優惠組合。而非酒精類嘅飲品，如啡茶、汽水，亦備有以照顧到其他客人。
Saicho Sparkling Tea $98同表哥本身都唔好酒，侍應就介紹咗呢一款有汽嘅茶俾我哋，包有驚喜，有汽嘅茶我都喺第一次見。先試咗一支「大吉嶺」口味，一支裝200毫升，啱啱好分到兩杯仲可以扮白酒。入口確有茶香，汽泡做成散發出一份爽口感，的確幾特別。之後，再追加另一款「茉莉花」口味，入口帶甜嘅清雅茉莉花香，同樣有驚喜，值得一試。
Saicho Sparkling Tea（茉莉花口味）
$98
46 瀏覽
0 讚好
0 留言
餐前小食喺一道西班牙伊比利亞火腿配意大利香草包（Jamón Ibérico de Bellota 48+ month），48個多月嘅風乾，令其油脂變得更豐富，鹹香味突出之餘，感覺有微微橡果香。心思位喺餐碟已經預熱過，不單令個意大利香草包暖暖哋，口感更加軟熟，而且，令火腿嘅鹹香味更能散發出嚟，油脂更油潤。
Soup du jour是日餐湯喺南瓜海鮮湯，以印有餐廳標誌嘅大茶杯盛上卻不失優雅感，質感夠濃又滑溜，滲出陣陣清甜南瓜味，湯內更有唔少珍珠貝、魷魚粒，整體感覺幾唔錯！
Lobster Bisque +$98另外，侍應亦推介我哋試試佢哋嘅招牌龍蝦湯，龍蝦湯亦喺法式經典。湯色沉實，一入口完全喺澎湃嘅蝦鮮味，飲得出真材實料，絕無欺場，而且，飲完口腔內仲有一種餘韻嘅感覺。加上晌杯邊掛上一隻香煎大虎蝦，令賣相顯得更高級，更具霸氣，當然，虎蝦肉爽口彈牙，就更錦上添花。
招牌龍蝦湯
0 瀏覽
0 讚好
0 留言
Fresh from the Sea餐牌咁寫就只知喺海鮮菜式，原來喺煎蟹餅，不過，卻喺非一般蟹餅，皆因一切開你就知亮點晌邊，嗰一梳梳蟹肉，多到不得了，唔喺平常大量溝粉嘅貨色可比，用料十足，每啖都喺蟹肉嘅鮮甜味，質感、味道都上乘，加埋焦脆嘅外層，實在回味。
Fresh from the Sea（煎蟹餅）
8 瀏覽
0 讚好
0 留言
UAE Rock Lobster Tail with Pasta輪到主菜登場，同樣有驚喜，先喺龍蝦意粉。淨喺個賣相已經夠晒吸引，估佢唔到原隻龍蝦尾煎香再從個殼褪出嚟，夠立體，而龍蝦肉鮮味十足，口感又爽喎；另外，所配搭嘅唔喺一般嘅意大利麵，而喺較少食到嘅意大利「水管通」，裡面仲捲住好多海鮮粒同蔬菜粒，加上掛滿酸活茄醬，既健康，又好食。
UAE Rock Lobster Tail with Pasta
4 瀏覽
0 讚好
0 留言
House-aged 45+ Days Dry-Aged USDA Prime Rib Eye另一道主菜可以講喺店家嘅皇牌之一，因為以專業熟成櫃經45日熟成，真喺坊間唔喺間間店都肯花時間咁做，皆因成本高。熟成後嘅肉眼輕煎兩面，已經可以上碟，單喺睇見粉嫩艷紅嘅色澤，未食都覺得養眼，雖然可以要求要啲芥辣，但食原味更多，肉眼本身已經喺肉味比較濃，做埋熟成肉味更豐厚，外層又煎得焦香，而且，質感比預期更腍、更嫩滑，佐以蘿蔔薯蓉、鮮嫩蘆筍，確喺高質。
House-aged 45+ Days Dry-Aged USDA Prime Rib Eye
0 瀏覽
0 讚好
0 留言
Sweet Finale去到尾聲，自不然喺甜點時間，分別喺芝士餅同香蕉蛋糕，前者有啲似紐約芝士餅，只喺少咗面頭有層酸忌廉部份，不過，件芝士餅確喺好食，底層嘅消化餅底做得夠薄又實淨，上層嘅芝士餡夠挺得嚟卻喺好軟滑，芝士味濃郁，正呀喂！
芝士餅
0 瀏覽
0 讚好
0 留言
Coffee雖然咖啡可以加錢升級其他特色咖啡，如意大利泡沫咖啡、解奶咖啡，不過，非咖啡店嘅咖啡小弟都會穩陣啲揀番一般即磨就可以喇。杯咖啡捧上枱已聞到幾醇香，而牛奶都喺預熱埋，咖啡襯甜品，幾時都喺最老友。
最後，店家仲送咗兩張$200優惠券，當然，有使用限制同限期啦，晚市可能消費高啲，但睇過佢嘅4道菜午餐，$238起跳，以如此質素，加上環境、服務，絕對食得過。
整體嚟講，確喺一頓好享受嘅晚餐，唔單食物質量出色，亦睇到廚師晌好多細節位都花咗唔少心思，而服務好熨貼，上菜速度恰到好處，令人用餐嘅體驗好舒服，再者，侍應嘅態度、對菜式嘅認識都值得一讚。
張貼
