家賀屋刺身寿司專門店

同另一半慶祝周年食好嘢，今次就揀咗灣仔嘅家賀屋，無論魚生、壽司和卷物都十分出色。🔸熊本 刺身定食 大本鮪魚腩入口即溶，好厚身，仲有特大帆立貝、特大赤海蝦，仲有師傅特選嘅2款時令刺身，鮮甜美味，定食配有胡蔴田園沙律、茶碗碟和湯烏冬，套餐抵食CP 值高❗️🔸中本鮪魚腩壽司、蔥本鮪魚腩拖羅粉絲必點，中本鮪魚腩壽司油脂分布均勻，口感滑嫩；蔥本鮪魚腩卷物，紫菜包住鮪魚腩蓉、醋飯和蔥，兩款都唔會令人失望😍🔸 海膽龍珠卷見到期間限定，喜歡海膽必點，紫菜包住入左新鮮魚腩蓉，海膽同醬油淺漬日本蛋黃，一口品嘗感受到前所未有嘅豐富口感❗️🔸 北海道千層雲呢拿蛋糕Surprise 餐廳有免費畫碟服務，仲畫左大口仔，睇下幾神似😍重點係千層雲呢拿蛋糕都好好味，甜在心💕另外，我哋亦叫咗「牛油果軟殼蟹卷」和「青龍卷」，無論軟殼蟹或者炸蝦，同樣脆身可口❗️