影片
更多
2018-09-02
187 瀏覽
今日同幾個同事剛好在東涌做野做到好夜，累累地就想係附近搵野食，即興就去左滿樂潮州菜館度食晚飯，點知幾有驚喜，都幾有水準，值得再去。我地一坐低。發現地方都幾闊落同舒服，因為餐廳樓底好高，就算多人都唔會覺得局促，同埋入面都有唔少大圓枱同卡位。侍應既態度都好好，餐牌上都有好多款式可以選擇。前菜小食有花生同甜酸菜，起初以為都係普通一般既小食，但花生原來係煲過，仲加上調味，微甜又林既花生，好味。因為太肚餓，朋友即時點幾樣菜。其中係必食既滷水鵝肉拼盆（當日餐廳人數都唔少，但唔洗等好耐就已上菜）拼盆入面有鵝肉、雞蛋、墨魚同豆腐，墨魚彈牙爽口，每舊鵝肉都厚厚，啖啖肉，又好入味，送飯一流，所以我同朋友好快就清曬成碟。跟住侍應就送上杏汁白肺湯，以往杏汁做甜品就聽得多，煲湯就真係第一次試，一遞碗湯埋黎已經有好香濃既杏仁味，起初以為兩樣唔係好合，怕會好怪，但飲落又出奇地match，湯料十足，一致讚好。然後唔可以唔提既係欖菜肉碎炒飯，炒飯粒粒分明，食落又唔會太油膩，有心思既係炒飯面有蛋絲包住整個飯，相當唔錯。食食下發現原來身邊都有唔少枱都叫呢個炒飯，睇黎我地真係無叫錯啊，呢個菜應該幾受歡迎。另外食得潮州菜又點可
我地一坐低。發現地方都幾闊落同舒服，因為餐廳樓底好高，就算多人都唔會覺得局促，同埋入面都有唔少大圓枱同卡位。侍應既態度都好好，餐牌上都有好多款式可以選擇。
前菜小食有花生同甜酸菜，起初以為都係普通一般既小食，但花生原來係煲過，仲加上調味，微甜又林既花生，好味。
因為太肚餓，朋友即時點幾樣菜。其中係必食既滷水鵝肉拼盆（當日餐廳人數都唔少，但唔洗等好耐就已上菜）拼盆入面有鵝肉、雞蛋、墨魚同豆腐，墨魚彈牙爽口，每舊鵝肉都厚厚，啖啖肉，又好入味，送飯一流，所以我同朋友好快就清曬成碟。
跟住侍應就送上杏汁白肺湯，以往杏汁做甜品就聽得多，煲湯就真係第一次試，一遞碗湯埋黎已經有好香濃既杏仁味，起初以為兩樣唔係好合，怕會好怪，但飲落又出奇地match，湯料十足，一致讚好。
然後唔可以唔提既係欖菜肉碎炒飯，炒飯粒粒分明，食落又唔會太油膩，有心思既係炒飯面有蛋絲包住整個飯，相當唔錯。食食下發現原來身邊都有唔少枱都叫呢個炒飯，睇黎我地真係無叫錯啊，呢個菜應該幾受歡迎。
另外食得潮州菜又點可以唔叫蠔餅，以往食打冷係炸既比較多，而今次反而係反傳統地用蛋去煎，上菜前已經切好左一塊塊好似pizza咁，細心睇可以發現每塊都有好多蠔係度，每隻蠔都係肥肉，又唔腥，點埋魚露味道岩岩好。
最後值得一試既係芋茸香酥鴨，一上菜時碟菜既賣相都好吸引，配上特製微甜醬汁，咬落外鬆內軟，有好香既芋茸味。
整體食完都好滿足好飽好滿意，要約埋朋友下次要再試埋其他菜式先得，呢間值得推介。
張貼
