影片
更多
2025-03-20
72 瀏覽
朋友約食飯兼派紅色炸彈，真係好戥佢開心。為遷就主角方便，飯聚地點就在帝逸，一個大家熟悉的地方。眾人一坐落，就是雞噱唔斷不停傾，也懶得去點菜，直接來個師房宴便是。打頭陣的富貴蝦，我之前已嚐過。將瀨尿蝦去殼，切細，伴以微辣的紅油，面頭一小撮的椒醬帶出不同層次，是恰如其分的開胃菜。相比起剛才的富貴蝦，接著來的昆布鮑魚，來得更刺激，不過呢個辣度，結合軟腍的鮑魚，個人覺得好正。再來的一道，店員會在大家跟前點火，讓視覺率先得到享受。雞肉毫無疑問是皮脆肉嫩，滿載南乳香，加上陣陣酒香，好掂！套餐當然有湯品，是夜的原個椰皇濃湯燉厚花膠，花膠厚身，骨膠原豐富，湯頭清甜，記緊刮埋旁邊的椰皇肉來吃，唔好浪費。總廚Bosco屬年輕一輩的廚師，好接受新派做法，如這味星斑柳，賣相西式，皮香肉嫩之外，結合醒胃的羅望子汁，同埋香芧泡沫，又多一份東南亞風味，最重要係同個魚好夾。本灣龍蝦白玉又係好有驚喜既一道，龍蝦肉質素真不用多說，最估佢唔到係佢底下加入了麻糬，好特別，但全無違和感。乾燒百花脆皮花膠，帶點點日式天婦羅的風貌，但醬汁又有幾分四川魚香茄子之類的影子，又是一道滋味的新派菜，如果花膠既個性可以再突出啲，會更精彩。臨
朋友約食飯兼派紅色炸彈，真係好戥佢開心。為遷就主角方便，飯聚地點就在帝逸，一個大家熟悉的地方。
眾人一坐落，就是雞噱唔斷不停傾，也懶得去點菜，直接來個師房宴便是。
打頭陣的富貴蝦，我之前已嚐過。將瀨尿蝦去殼，切細，伴以微辣的紅油，面頭一小撮的椒醬帶出不同層次，是恰如其分的開胃菜。
相比起剛才的富貴蝦，接著來的昆布鮑魚，來得更刺激，不過呢個辣度，結合軟腍的鮑魚，個人覺得好正。
再來的一道，店員會在大家跟前點火，讓視覺率先得到享受。雞肉毫無疑問是皮脆肉嫩，滿載南乳香，加上陣陣酒香，好掂！
套餐當然有湯品，是夜的原個椰皇濃湯燉厚花膠，花膠厚身，骨膠原豐富，湯頭清甜，記緊刮埋旁邊的椰皇肉來吃，唔好浪費。
總廚Bosco屬年輕一輩的廚師，好接受新派做法，如這味星斑柳，賣相西式，皮香肉嫩之外，結合醒胃的羅望子汁，同埋香芧泡沫，又多一份東南亞風味，最重要係同個魚好夾。
本灣龍蝦白玉又係好有驚喜既一道，龍蝦肉質素真不用多說，最估佢唔到係佢底下加入了麻糬，好特別，但全無違和感。
乾燒百花脆皮花膠，帶點點日式天婦羅的風貌，但醬汁又有幾分四川魚香茄子之類的影子，又是一道滋味的新派菜，如果花膠既個性可以再突出啲，會更精彩。
臨尾的飯，我會形容為黯然銷魂飯的加強版。叉燒轉成A5和牛，入口鬆化，燶邊日本蛋，既做到燶邊效果，蛋黃卻仍保持流心狀態，加埋炸蒜片及紫洋蔥的豬油撈飯，相當好吃，而且份量剛好，有料！
甜品的四川冰粉，混入了北海道赤肉蜜瓜粒，豐富了口感，再自行淋上適量的沖繩黑糖，簡單不過的川式甜品都可擺上大枱。
張貼
