影片
港鐵石門站 B 出口, 步行約9分鐘; 港鐵石門站B出口，步行8分鐘
繼續閱讀
電話號碼
36531112
營業時間
今日營業
11:00 - 23:00
星期一至日
11:00 - 23:00
*必須預約
以上資料只供參考, 請與餐廳確認詳情
-
網上訂座即將推出
好友快將結婚，因此約出來吃飯順便派帖，選址在石門帝逸酒店內的《逸軒》；之前也來這裏吃過幾次，對中菜行政總廚「李家鋌師傅」出色的烹調手法及無限創意已深深拜服，知道約來這裏食，自然要看高一線！😍原來最近正推出這個「逸軒師房宴—粵味嚐珍」（須提前72小時預訂），套餐精挑上乘食材配搭巧手工藝，打造出精美的粵饌盛宴；而推廣日期則由即日起至2025年6月30日，想親身體驗一下，就記得要預早訂位了。套餐有2款午餐及3款晚餐可供選擇，價錢以食材的種類及時段而有所不同。我們選了最貴的那款晚餐，收費為$1180/位(另加服務費)，包括三款前菜、燉湯、四款主菜及甜品。朋友帶來Glenfiddich 12 Year Old Single Malt Scotch Whisky威士忌，大家一於邊飲邊食，更覺開心。🥃首先上場的三味前菜，分別係「紅油椒醬輕煎富貴蝦」、「辣清酒煮昆布鮑魚」及「女兒紅南乳無骨脆皮雞」。紅油椒醬輕煎富貴蝦～已去殼的瀨尿蝦，鮮美爽彈，配上微辣的紅油，更能突顯其鮮甜味，啖啖肉非常好吃。辣清酒煮昆布鮑魚～辣度比紅油更加強勁，鮑魚鮮甜Q彈、肉質細嫩，吸盡了辣酒及昆布的滋味，更加誘人。女兒紅南乳無骨脆皮雞～服務員先放下無骨脆皮雞，之後點燃手中已放入酒精的鐵盆及傾倒在雞皮之上，火焰把雞皮燒得更加香脆及傳出陣陣幽香，大家這刻當然也忙於打咭；因雞肉事前已去骨，食落更加方便，肉質鮮嫩加上外皮酥脆及陣陣南乳香味，好吃。超美味的「逸.湯」原個椰皇濃湯燉厚花膠，新鮮熱辣，湯水香甜又滋潤，中間放有一片超厚的花膠，口感Q彈又爽脆；最後把嫩滑的椰皇肉整片刮出，口感如牛奶布丁般彈滑，滋味又飽肚。「逸‧藝」羅望子汁香茅泡沫煎星斑柳，師傅以羅望子及香茅打成口感綿滑的泡沫，中間放有煎至皮香肉嫩的星斑柳，很有東南亞風味的一道菜式。海鮮湯本灣龍蝦白玉，大大隻的本灣龍蝦放在碟子中間，肉質飽滿、口感爽彈，表面淋上一層濃濃而杰身的海鮮湯，碟底還有香滑的蒸蛋白及軟糯的麻糬，鮮甜爽彈香滑共冶一爐，又怎會不叫人喜歡，好吃。乾燒百花脆皮花膠伴溫室小甘荀，以花膠包裹着鮮甜爽彈嘅蝦膠，加上粉漿炸至表面香脆，形成外脆來Q彈的口感；旁邊放有色澤鮮艷，口感清甜的小紅蘿蔔；淋上像如香茄子的醬汁，惹味又開胃；碟邊放有煙靭有咬厚的雞頭米伴碟。「逸.匠」雙蒜叉燒飯伴燶邊蛋，原本是A5和牛，但因我們部份人不吃牛肉，所以師傅改為食神電影中的黯然銷魂飯(即係叉燒煎蛋飯)，大廚採用優質豬肉，肉質肥瘦均勻；蛋白煎得濃邊又香脆，而蛋黃還保留太陽蛋那種生熟程度，非常好吃，忍不住要把它吃個光光。「逸.嚐」沖繩黑糖北海道赤肉蜜瓜冰粉，清甜爽彈的冰粉，晶瑩剔透，配上鮮甜的北海道赤肉蜜瓜，非常惹味；吃完也為今晚畫上完美的句號。最後祝好友新婚快樂、白頭到老、三年抱兩！當日見。🤗#逸軒(香港)地址: 香港沙田源康街1號帝逸酒店2樓電話: +852 36531112
繼續閱讀
今時今日私房菜不是新鮮事但總有它的誘人魅力！而我品嚐私房菜首要條件必定是廚師的心思，用心的大廚以廚藝俘虜客人嘴巴和心絕對值得欣賞。這夜重來ALVA HOTEL BY ROYAL帝逸酒店的逸軒，為的是品嚐Chef Bosco匠心製作的師房宴。多謝有心人送上Glenfiddich 12 Year Old Single Malt Scotch Whisky，用來配襯這夜精美的菜式實在太配匹了。我們選了師房宴III的餐單共有九道菜非常豐富，打頭陣是「逸‧拼」紅油椒醬輕煎富貴蝦！紅綠雙色襯托去殼瀨尿蝦好養眼，微辣紅油和清香椒醬惹味之餘更引出了瀨尿蝦的鮮味，入口啖啖肉吃得非常爽皮。辣清酒煮昆布鮑魚非常合我胃口皆因辣度十足！這個中日混血兒味道真的非常鮮辣，Q彈入味的鮑魚吸盡了香辣味道吃得我心滿意足。女兒紅南乳無骨脆皮雞可謂色香味俱全！品嚐的時候服務員會為我們灑酒燃火，所以這刻大家的手機都非常忙碌。灑下的女兒紅除了激發出迷人火焰外還令雞件帶有幽幽酒香，加上先聲奪人南乳香氣真的迷人到一個點啊。「逸‧湯」原個椰皇濃湯燉厚花膠！一看見這個湯滋補兩隻字即時湧現，熱燙的香甜椰皇濃湯入口非常滑溜，內裏還有一隻厚厚的花膠吃下滿滿骨膠原好Q彈。「逸‧藝」羅望子汁香茅泡沫煎星斑柳！以充斥東南亞風味的羅望子及香茅打成綿密泡沫，伴隨煎至皮香肉嫩的星斑魚柳，新鮮魚香加上熱情泡沫的味道非常迷人。海鮮湯本灣龍蝦白玉！充斥大海味道的海鮮湯極為鮮濃，雪白的龍蝦肉質鮮爽又甜美，墊底還有滑溜勝雪的蒸蛋白，而且更驚喜地藏有軟糯麻糬在內，味道鮮味不在話下口感還要非常獨特我超喜歡這個組合。乾燒百花脆皮花膠伴溫室小甘荀！脆皮花膠炸得非常鬆化脆口如果花膠能挺身一點口感更加豐富！內裏包裹著彈牙蝦膠鮮味滿分，喜歡配襯了煙靭有咬厚的雞頭米徒添嚼勁，另外有點像魚香茄子的醬汁亦都非常惹味很討好。單尾是「逸‧匠」雙蒜A5和牛飯伴燶邊蘭皇蛋！大廚為了不吃牛的我轉了非常驚喜的代替品。我得到的是攣毛豬叉燒皇伴燶邊蘭皇蛋！必須稱讚大廚炮製那隻雞蛋的心思，做到燶邊但蛋黃仍然流心，想知何解就要自己親身去試便知曉！攣毛豬叉燒做得非常稔滑肉味也香濃，另外還有豬油渣、香脆蒜片來配襯軟糯白飯，飽到頂點的我也將它吃光光實在太美味喇。「逸‧嚐」沖繩黑糖北海道赤肉蜜瓜冰粉！超級香甜的蜜瓜粒伴隨晶瑩爽滑冰粉，傾下點點黑糖蜜吃芳香不甜膩，這客飯後甜品吃得我非常舒服。「師房宴111」收費為$1180/位(+10%)，須提前72小時預訂由即日起至6月30日供應。
繼續閱讀
趁著秋冬的日子，好好享受一下大閘蟹的美味吧！今次踏入沙田石門帝逸酒店的逸軒中菜廳。餐廳的運作可是要預訂，因大廚可更貼心地為食客設計獨特菜單，所以今次亦是由行政總廚李家鋌打骰。逸·拼蟹粉蟹肉脆皮雲吞天府口水汁鴛鴦雞卷燒椒醬輕煎去殼富貴蝦雲吞包得小巧，脆卜卜的很美味，沾上了蟹粉味道更鮮。以烏雞及龍江雞肉包壓成雞卷，橫看猶如大理石紋，澆上麻辣汁食落更加惹味。富貴蝦即是瀨尿蝦，一般人怕吃其實是因為嫌剝殼麻煩，家陣早已褪殼，啖啖鮮甜的蝦肉混和了燒椒醬，多添一份辛辣口感，正。逸·湯原個椰皇濃湯燉花膠椰皇水本身已經勁清甜，加入高湯及花膠一齊燉，真係無得輸，尤其是骨膠原滿滿的花膠，更是可口。逸·藝清蒸江蘇大閘蟹(7兩)配沖繩黑糖薑茶 平日食到一般都係五兩左右，食到六兩已經好正，家陣送上七兩，更加對蟹迷而言是喜出望外。今年大家都係用江蘇蟹，水準穩定，雖然未於狂爆膏，但已經令人吃得心花怒放。配上來的薑茶毫不簡單，因為放上了豆腐綉花球，盡見功夫。蒜煎336小時熟成日本豬雖然只得幾片，但足以令人回味，豚肉真的好香，咬落柔韌，有時候就算是大閘蟹套餐，都可以加入其他菜色來平衡一下。蟹粉蟹肉燴冬粉蟹粉份量啱啱好，不會令人覺膩，拌和冬粉，令冬粉沾上蟹粉就更惹味。逸·匠羽衣甘藍二少爺炒飯炒得勁乾身，仲要有纖維豐富的羽衣甘藍及嫩滑的帶子，層次分明，這個單尾有心思。逸・嚐甜品薈萃以一碗冰粉來作壓軸，滑溜甜美，真的完美。
繼續閱讀
今年食左大閘蟹未呀？平時每年去上海食又或者去老上海同留園雅敘，今年反而乜都無安排，結果去了逸軒，因為聽講李師傅年年都花心思去諗好嘅蟹menu，聽左咁多年終於食到，都幾值得推薦。前者有粉蟹肉脆皮雲吞、天府口水汁鴛鴦雞卷、燒椒醬輕煎去殼富貴蝦，全部都好精緻又好食，唯獨唔係個個蟹粉菜式，但我特別愛個燒椒醬輕煎去殼富貴蝦，咁樣食法太幸福，鴛鴦雞卷嘅精美同辣度都令人難忘。湯品係原個椰皇濃湯燉花膠，真心精彩，個舊花膠非常大塊，真心大滿足，甜得好緊要嘅椰皇可以成個起肉，如果你太細食就唔好亂食椰肉，朋友就食到呢到已經飽。主角係清蒸江蘇大閘蟹，7兩重，最正係有人幫你拆哂，係香港，相信唔多地方有咁好服務，之後配一杯沖繩黑糖薑茶，再準備下半場嘅餐單。熟成336小時係咩概念？無諗過酒店都會玩到咁細緻，蒜煎熟成336小時日本豬入口很容易溶化，加上上面的炸蒜片和下面的蒜心，三個食法都令各有特色。呢個蟹粉蟹肉燴冬粉又係當日暴力之選，大量拆好嘅蟹粉蟹肉轟炸你口腔，配合掛味嘅蟹粉，絕對令你難忘。如果你係澱粉之友就真係好開心，呢個羽衣甘藍二少爺炒飯，炒得當然粒粒細緻，用上羽衣甘藍都好特別，成個飯添上一股特色香氣和味覺。整體價錢唔算太貴，只不過地方唔係人人覺得方便，但食得好又有個舒服地方，都值得專誠去下。
繼續閱讀
好多年前已經鍾意呢個師傅嘅手勢！事隔多年可以再次食返大師級嘅味道真心正呀喂。呢日放假食好西走咗去帝逸酒店嘅逸軒探吓李師傅！今次嚟食要早72個鐘預訂嘅師房宴，一坐低就有酒飲呢啲咪幸福囉！酒主下次記得唔好揸車我要攞支好嘢嚟同你飲'?。廢話少講即刻開波！第一味係紅油椒醬輕煎富貴蝦，睇佢個樣好似好鬼辣咁好彩食落去香勁過辣，加埋新鮮剝殼嘅瀨尿蝦食得好鬼爽皮。跟住呢個辣清酒煮昆布鮑魚睇落唔辣反而最刺激！鮑魚食落去好腍滑仲煮得好入味，鍾意食辣嘅老婆大人就食得鬼死咁開心。着晒火嘅係女兒紅南乳無骨脆皮雞！我哋呢啲酒鬼聞到女兒紅嘅味點會唔開心吖。等啲火燒晒就可以好好咁虞呢件勁香嘅雞！外面好香脆仲有好濃嘅南乳味，最正嘅係雞肉入面仲係嫩滑有肉汁嘅呢個雞真係好好食。嘆完好味嘅雞仲有靚湯飲！原個椰皇濃厚花膠超級濃郁，熱辣辣飲落去有好濃嘅椰子味勁香甜。燉湯入面仲有好厚嘅花膠咬落去好爽滑勁有口感，除咗啲女人鍾意之外連我呢啲麻甩佬都話正呀！椰皇入面嘅肉好香滑好甜我一啲都冇放過。跟住呢個係羅望子汁香茅泡沫煎星斑柳！嗰啲白雪雪嘅泡原來係用又酸又香嘅羅望子同香茅整嘅，配嗰件煎得勁香脆嘅厚身星斑柳味道好夾喎。海鮮湯本灣龍蝦白玉入面嘅龍蝦爽口彈牙好有鮮味，下面白雪雪嘅係蒸蛋白同海鮮湯一齊食滑嘟嘟又鮮味，仲內有乾坤原來有麻糬喺蒸蛋白入面，食落多咗啲煙靭嘅口感幾過癮喎。乾燒百花脆皮花膠伴溫室小甘筍個汁辣辣地好惹味，脆皮花膠包住啲彈牙鮮味嘅蝦膠，食落去又香又脆最緊要係唔油膩嗰吓正嘛。飽肚嘢有呢個雙蒜A5和牛飯件燶邊日本雞蛋！嗰隻雞蛋鬼鬼馬馬咁用特別方法令到香口得嚟蛋黃唔會過熟係有心思嘅，不過鍾意食牛嘅我就更加like A5和牛，外面焦焦香入面軟淋油香滿瀉，加埋啲蒜片同豬油渣一齊食嗰啖飯真係好食到不得了。最後甜品係沖繩黑糖北海道赤肉蜜瓜冰粉，老婆大人最鍾意食呢個甜品，唔難明點解嘅又爽口又香甜呢個味道係好多人鍾意嘅包括我。
繼續閱讀