逸軒

營業中

休息中

好友快將結婚，因此約出來吃飯順便派帖，選址在石門帝逸酒店內的《逸軒》；之前也來這裏吃過幾次，對中菜行政總廚「李家鋌師傅」出色的烹調手法及無限創意已深深拜服，知道約來這裏食，自然要看高一線！😍原來最近正推出這個「逸軒師房宴—粵味嚐珍」（須提前72小時預訂），套餐精挑上乘食材配搭巧手工藝，打造出精美的粵饌盛宴；而推廣日期則由即日起至2025年6月30日，想親身體驗一下，就記得要預早訂位了。套餐有2款午餐及3款晚餐可供選擇，價錢以食材的種類及時段而有所不同。我們選了最貴的那款晚餐，收費為$1180/位(另加服務費)，包括三款前菜、燉湯、四款主菜及甜品。朋友帶來Glenfiddich 12 Year Old Single Malt Scotch Whisky威士忌，大家一於邊飲邊食，更覺開心。🥃首先上場的三味前菜，分別係「紅油椒醬輕煎富貴蝦」、「辣清酒煮昆布鮑魚」及「女兒紅南乳無骨脆皮雞」。紅油椒醬輕煎富貴蝦～已去殼的瀨尿蝦，鮮美爽彈，配上微辣的紅油，更能突顯其鮮甜味，啖啖肉非常好吃。辣清酒煮昆布鮑魚～辣度比紅油更加強勁，鮑魚鮮甜Q彈、肉質細嫩，吸盡了辣酒及昆布的滋味，更加誘人。女兒紅南乳無骨

今時今日私房菜不是新鮮事但總有它的誘人魅力！而我品嚐私房菜首要條件必定是廚師的心思，用心的大廚以廚藝俘虜客人嘴巴和心絕對值得欣賞。這夜重來ALVA HOTEL BY ROYAL帝逸酒店的逸軒，為的是品嚐Chef Bosco匠心製作的師房宴。多謝有心人送上Glenfiddich 12 Year Old Single Malt Scotch Whisky，用來配襯這夜精美的菜式實在太配匹了。我們選了師房宴III的餐單共有九道菜非常豐富，打頭陣是「逸‧拼」紅油椒醬輕煎富貴蝦！紅綠雙色襯托去殼瀨尿蝦好養眼，微辣紅油和清香椒醬惹味之餘更引出了瀨尿蝦的鮮味，入口啖啖肉吃得非常爽皮。辣清酒煮昆布鮑魚非常合我胃口皆因辣度十足！這個中日混血兒味道真的非常鮮辣，Q彈入味的鮑魚吸盡了香辣味道吃得我心滿意足。女兒紅南乳無骨脆皮雞可謂色香味俱全！品嚐的時候服務員會為我們灑酒燃火，所以這刻大家的手機都非常忙碌。灑下的女兒紅除了激發出迷人火焰外還令雞件帶有幽幽酒香，加上先聲奪人南乳香氣真的迷人到一個點啊。「逸‧湯」原個椰皇濃湯燉厚花膠！一看見這個湯滋補兩隻字即時湧現，熱燙的香甜椰皇濃湯入口非常滑溜，內裏還有一隻厚厚

趁著秋冬的日子，好好享受一下大閘蟹的美味吧！今次踏入沙田石門帝逸酒店的逸軒中菜廳。餐廳的運作可是要預訂，因大廚可更貼心地為食客設計獨特菜單，所以今次亦是由行政總廚李家鋌打骰。逸·拼蟹粉蟹肉脆皮雲吞天府口水汁鴛鴦雞卷燒椒醬輕煎去殼富貴蝦雲吞包得小巧，脆卜卜的很美味，沾上了蟹粉味道更鮮。以烏雞及龍江雞肉包壓成雞卷，橫看猶如大理石紋，澆上麻辣汁食落更加惹味。富貴蝦即是瀨尿蝦，一般人怕吃其實是因為嫌剝殼麻煩，家陣早已褪殼，啖啖鮮甜的蝦肉混和了燒椒醬，多添一份辛辣口感，正。逸·湯原個椰皇濃湯燉花膠椰皇水本身已經勁清甜，加入高湯及花膠一齊燉，真係無得輸，尤其是骨膠原滿滿的花膠，更是可口。逸·藝清蒸江蘇大閘蟹(7兩)配沖繩黑糖薑茶 平日食到一般都係五兩左右，食到六兩已經好正，家陣送上七兩，更加對蟹迷而言是喜出望外。今年大家都係用江蘇蟹，水準穩定，雖然未於狂爆膏，但已經令人吃得心花怒放。配上來的薑茶毫不簡單，因為放上了豆腐綉花球，盡見功夫。蒜煎336小時熟成日本豬雖然只得幾片，但足以令人回味，豚肉真的好香，咬落柔韌，有時候就算是大閘蟹套餐，都可以加入其他菜色來平衡一下。蟹粉蟹肉燴冬粉蟹粉份量啱啱好，不

今年食左大閘蟹未呀？平時每年去上海食又或者去老上海同留園雅敘，今年反而乜都無安排，結果去了逸軒，因為聽講李師傅年年都花心思去諗好嘅蟹menu，聽左咁多年終於食到，都幾值得推薦。前者有粉蟹肉脆皮雲吞、天府口水汁鴛鴦雞卷、燒椒醬輕煎去殼富貴蝦，全部都好精緻又好食，唯獨唔係個個蟹粉菜式，但我特別愛個燒椒醬輕煎去殼富貴蝦，咁樣食法太幸福，鴛鴦雞卷嘅精美同辣度都令人難忘。湯品係原個椰皇濃湯燉花膠，真心精彩，個舊花膠非常大塊，真心大滿足，甜得好緊要嘅椰皇可以成個起肉，如果你太細食就唔好亂食椰肉，朋友就食到呢到已經飽。主角係清蒸江蘇大閘蟹，7兩重，最正係有人幫你拆哂，係香港，相信唔多地方有咁好服務，之後配一杯沖繩黑糖薑茶，再準備下半場嘅餐單。熟成336小時係咩概念？無諗過酒店都會玩到咁細緻，蒜煎熟成336小時日本豬入口很容易溶化，加上上面的炸蒜片和下面的蒜心，三個食法都令各有特色。呢個蟹粉蟹肉燴冬粉又係當日暴力之選，大量拆好嘅蟹粉蟹肉轟炸你口腔，配合掛味嘅蟹粉，絕對令你難忘。如果你係澱粉之友就真係好開心，呢個羽衣甘藍二少爺炒飯，炒得當然粒粒細緻，用上羽衣甘藍都好特別，成個飯添上一股特色香氣和味覺。整

好多年前已經鍾意呢個師傅嘅手勢！事隔多年可以再次食返大師級嘅味道真心正呀喂。呢日放假食好西走咗去帝逸酒店嘅逸軒探吓李師傅！今次嚟食要早72個鐘預訂嘅師房宴，一坐低就有酒飲呢啲咪幸福囉！酒主下次記得唔好揸車我要攞支好嘢嚟同你飲'?。廢話少講即刻開波！第一味係紅油椒醬輕煎富貴蝦，睇佢個樣好似好鬼辣咁好彩食落去香勁過辣，加埋新鮮剝殼嘅瀨尿蝦食得好鬼爽皮。跟住呢個辣清酒煮昆布鮑魚睇落唔辣反而最刺激！鮑魚食落去好腍滑仲煮得好入味，鍾意食辣嘅老婆大人就食得鬼死咁開心。着晒火嘅係女兒紅南乳無骨脆皮雞！我哋呢啲酒鬼聞到女兒紅嘅味點會唔開心吖。等啲火燒晒就可以好好咁虞呢件勁香嘅雞！外面好香脆仲有好濃嘅南乳味，最正嘅係雞肉入面仲係嫩滑有肉汁嘅呢個雞真係好好食。嘆完好味嘅雞仲有靚湯飲！原個椰皇濃厚花膠超級濃郁，熱辣辣飲落去有好濃嘅椰子味勁香甜。燉湯入面仲有好厚嘅花膠咬落去好爽滑勁有口感，除咗啲女人鍾意之外連我呢啲麻甩佬都話正呀！椰皇入面嘅肉好香滑好甜我一啲都冇放過。跟住呢個係羅望子汁香茅泡沫煎星斑柳！嗰啲白雪雪嘅泡原來係用又酸又香嘅羅望子同香茅整嘅，配嗰件煎得勁香脆嘅厚身星斑柳味道好夾喎。海鮮湯本灣龍蝦白玉

對我來說，私房菜不但色、香、味俱全，更是創意之作。這晚來到，細嚐一場由 Chef Bosco主理的豐盛的饗宴；逸軒師房宴 III選用頂級食材，糅合烹調技巧與創意而成的粵式美饌，令人賞心悅目，吃出滋味。「逸‧拼」分別有3款前菜，先來紅油椒醬輕煎富貴蝦，將去殼瀨尿蝦輕煎，灒上特調四川紅油椒醬，瀨尿蝦入口鮮甜幼嫩又帶點微辛辣的餘韻，美味。辣清酒煮昆布鮑魚，辣清酒的香辣與昆布的香甜，為本屬無味的鮑魚生色不少，入口柔軟而爽彈，過癮﹗女兒紅南乳無骨脆皮雞，南乳脆皮雞原本已經夠吸引，這道菜更細心地先去骨，在上桌時淋上醇香女兒紅，並於底部的香草即席點燃，香氣十足，雞肉入口鮮嫩細滑又juicy，讚﹗讚﹗讚﹗「逸‧湯」以原個椰皇濃湯燉厚花膠，特厚花膠超有口感，喝口香甜椰皇湯同時不忘挖那滑溜的椰肉， 美肌養顏﹗「逸‧藝」羅望子汁香茅泡沫煎星斑柳，香煎星斑柳配上以酸甜羅望子汁及以香茅打成的泡沫，整體口感清爽，魚肉扎實，層次分明。海鮮湯本灣龍蝦白玉，是一道鮮味滿滿的創意之作。底部是滑溜的蒸蛋白及軟糯麻糬，在其上是雪白爽甜的龍蝦肉，伴上集結海鮮精華熬製而成的湯汁，滿分﹗乾燒百花脆皮花膠伴溫室小甘筍，一口咬下是彈口

超值的午市套餐，只係$655兩位，包埋茶錢和加一，總共有六道菜，酒店會因應來源而作出菜式上的調整每一道菜都非常精緻，擺盤亦唔馬虎，每道菜式都有驚喜蝦餃、燒賣同蘿蔔糕都好好味，第一道菜大家已經好欣賞香茜蟹肉羹就唔係人人食到喇，因為係勁茜的，芫荽嘅味道非常突出，亦食到啖啖嘅蟹肉，我哋食到一滴都無得剩呀呢碟係同菜單唔同嘅菜式，豉油王煎大蝦配汁煮淮山（呢個名係我改既🤣）大蝦煎得好香口，全枱人都大讚👍🏻而淮山真係無諗過可以用呢個製法，用咗燒汁將淮山煎到外脆內軟，好特別👍🏻呢碟亦變咗萵筍配遼參，萵筍嘅做法又係好有驚喜，刨到好似麵條咁幼，食落好清新，而加入豬肉碎嘅汁與遼參亦配合得宜呢個外貌普通的飯亦落足心思，蛋煎得香脆，而蛋下面係主題的髦毛豬叉燒，叉燒肉質好淋滑，我最欣賞的係飯，係加入洋蔥碎炒飯，非常之香到甜品出場喇，一上菜時大家都諗緊綠色的係咪開心果呢？店員話要等我哋試左味先開估…原來係牛油果味呀！用上super food製作的甜品，即刻變得健康左👍🏻

朋友約食飯兼派紅色炸彈，真係好戥佢開心。為遷就主角方便，飯聚地點就在帝逸，一個大家熟悉的地方。眾人一坐落，就是雞噱唔斷不停傾，也懶得去點菜，直接來個師房宴便是。打頭陣的富貴蝦，我之前已嚐過。將瀨尿蝦去殼，切細，伴以微辣的紅油，面頭一小撮的椒醬帶出不同層次，是恰如其分的開胃菜。相比起剛才的富貴蝦，接著來的昆布鮑魚，來得更刺激，不過呢個辣度，結合軟腍的鮑魚，個人覺得好正。再來的一道，店員會在大家跟前點火，讓視覺率先得到享受。雞肉毫無疑問是皮脆肉嫩，滿載南乳香，加上陣陣酒香，好掂！套餐當然有湯品，是夜的原個椰皇濃湯燉厚花膠，花膠厚身，骨膠原豐富，湯頭清甜，記緊刮埋旁邊的椰皇肉來吃，唔好浪費。總廚Bosco屬年輕一輩的廚師，好接受新派做法，如這味星斑柳，賣相西式，皮香肉嫩之外，結合醒胃的羅望子汁，同埋香芧泡沫，又多一份東南亞風味，最重要係同個魚好夾。本灣龍蝦白玉又係好有驚喜既一道，龍蝦肉質素真不用多說，最估佢唔到係佢底下加入了麻糬，好特別，但全無違和感。乾燒百花脆皮花膠，帶點點日式天婦羅的風貌，但醬汁又有幾分四川魚香茄子之類的影子，又是一道滋味的新派菜，如果花膠既個性可以再突出啲，會更精彩。臨

秋意漸濃，識食之人帶我逸軒品嚐7両重江蘇大閘蟹，套餐內其他菜式都相當美味有特色！亦是今年見過最有心機推蟹宴的中菜廳逸軒金秋蟹宴 $988/位（ 推廣日期由即日至2024年12月8日）逸‧拼—蟹粉蟹肉脆皮雲吞第一道前菜立即已經食到鮮味蟹粉，蟹肉雲吞仔非常香脆，元寶形狀最合加上蟹粉、龍爪菇菌一啖放進口，滿足！天府口水汁鴛鴦雞卷用上烏雞造成鴛鴦雞卷，好特別！配微辛麻辣口水汁味道最夾～燒椒醬輕煎去殼富貴蝦將瀨尿蝦去殻輕煎，燒椒醬夠香而不嗆，帶出瀨尿蝦本身鮮甜味！逸‧湯—原個椰皇濃湯燉花膠湯品必須大力拍手，超好飲主廚將椰皇先烤焗將椰油逼出先燉花膠，味道前所未有甘濃厚醇滑～～～花膠份量亦都勁足料！逸‧藝—清蒸江蘇大閘蟹（7兩） 配沖繩黑糖薑茶天氣關係，剛好10月尾帶來爆膏雄蟹，7両蟹蟹膏量明顯係平時4両一倍，甘香鮮味，真係配花雕襯一襯先得！就連黑糖薑茶都放左一朵<豆腐花>耳猶未盡更可以優惠價另加7両雄蟹每隻HK$248蒜煎336小時熟成日本豬嚴選日本白樺豚，豚肉緊緻嫩滑～蟹粉蟹肉燴冬粉滿滿蟹粉蟹肉拌冬粉，將濃郁鮮味蟹粉在延續呢一道主食上逸‧匠—羽衣甘藍二少爺炒飯將羽衣甘藍炸脆增添香

秋意漸濃，當然是約埋蟹迷朋友出動食大閘蟹啦！這晚逸軒，有中餐行政總廚李家鋌 Bosco師傅與其團隊呈獻的金秋蟹宴，完美展現出創意巧思與精湛廚藝。蟹宴用上精挑上乘的江蘇大閘蟹，並由人手鮮拆蟹粉，以三道結合的 逸•拼 作為前菜：蟹粉蟹肉脆皮雲吞，蟹粉經炒煮後，香氣撲鼻，更加金黃香濃；以鬆脆的新鮮蟹肉雲吞，沾上蟹粉及黑醋粒同吃，鮮味爆登；別忘了爽脆的炸龍爪菌啊！天府口水汁鴛鴦雞卷，以烏雞及黃油雞配上秘製口水汁，伴以吸汁萵苣絲，麻香微辛的味道，實在吸引。燒椒醬輕煎去殼富貴蝦，瀨尿蝦入口鮮甜柔嫩，輕煎後配上燒椒醬，麻香味十足，加上啖啖蝦肉，相當誘人。逸‧湯原個椰皇濃湯燉花膠，以螺頭、赤肉、雞肉及椰子等同燉，湯頭尤其清潤清甜，淡淡椰香，加上厚身花膠，滋陰養同時補充骨膠原。逸‧藝主角來了！原隻清蒸江蘇大閘蟹，約7両重巨型公蟹，半流質黃澄澄蟹膏中帶點透明啫喱狀，甘香濃滑，連蟹腳都肥美過人，入口盡是豐腴滋味。大廚更貼心配備沖繩黑糖薑茶驅寒溫胃，薑味溫和順喉，當中開花豆腐甚為養眼。接著也是大家期待的蒜煎336小時熟成日本豬，精選鹿兒島優質豬肉，口感柔嫩同時肉味突出，肉汁豐沛，若沾上海鹽或香脆蒜片同吃，即變

今晚我又陪老婆大人去食大閘蟹！聽講今晚佢要會一會猛男，作為一個貼身吖係貼心嘅老公梗係要陪住佢去啦。呢一餐我哋去咗帝逸酒店嘅逸軒嘆大閘蟹，嚟呢度食記住要提前72個鐘預訂，唔係嚟到冇得食就唔關我事呀。今日食嘅叫做金秋蟹宴，呢個餐總共有九味菜好多嘢食，我咁大食都要捧住個肚走。淨係前菜都有三樣咁多！呢個係蟹粉蟹肉脆皮雲吞，脆卜卜嘅蟹肉雲吞點啲甘香嘅蟹粉食落口感好好，特別鍾意佢入面炸咗嘅龍爪菌真係好鬼爽口。呢件好似太極咁樣嘅叫做天府口水汁鴛鴦雞卷！原來佢係用咗黃油雞同埋竹絲雞嚟兩溝，配個好香但唔算太辣嘅口水汁真係好鬼惹味。跟住呢味燒椒醬輕煎去殼富貴蝦真係啱晒我呢啲懶人！因為師傅已經將瀨尿蝦嘅殼去晒，可以一啖擺入口食爽到不得了，呢個醬唔係妖辣嘅食落去麻麻嘅口感，加埋瀨尿蝦嘅鮮甜真係食得好過癮。跟住呢碗湯就不得了喇！呢碗係椰皇濃湯燉花膠，佢有好濃郁嘅椰子香味仲越飲越香甜，入面有一件厚厚嘅花膠在場嘅女士飲得非常開心，大叔嘅我對呢件花膠亦都非常受落。點解話今晚要砌猛男！咪就係因為呢隻大閘蟹公足足有成七両咁重囉。呢隻大閘蟹膏都好夠金黃色嘅蟹膏食落去好甘香唔錯呀。有老婆大人服侍將啲蟹腳拆晒肉俾我食，你話啲蟹

秋意漸濃，又係食大閘蟹的最好時機，今年你食咗未？沙田帝逸酒店內中菜廳「逸軒」，由行政總廚李家鋌師傅帶領，團隊嚴選當造又肥美的江蘇大閘蟹，加上精湛的廚藝，創造出全新的「逸軒金秋蟹宴」(供應日期由即日起至12月8日 及 需提前72小時預訂），令食客能品嚐到豐腴甘香的大閘蟹美食。套餐包三味前菜、燉湯、二味主菜、冬粉、炒飯 及 甜品。三道前菜分別係蟹粉蟹肉脆皮雲吞、天府口水汁鴛鴦雞卷 及 燒椒醬輕煎去殼富貴蝦。蟹粉蟹肉脆皮雲吞～外層炸得酥脆，中間包裹着新鮮的蟹肉，旁邊放有色香味濃的蟹粉，每一口也帶出鮮味；而外層酷似珊瑚的龍爪菌，是武夷山脈特產野生菌菇，口感嫩脆爽口，芳香宜人，更有效降低血中的膽固醇和甘油三酯水平等功效。天府口水汁鴛鴦雞卷～大廚選用鮮嫰帶韌性的烏雞肉，配上秘製麻香的口水汁，微辛辣香味，更有效提升味覺的享受。燒椒醬輕煎去殼富貴蝦～富貴蝦俗稱瀨尿蝦，大廚非常貼心，先把蝦殼去除後再輕煎，配上秘製炒成的燒椒醬，食落肉質細嫩又鮮味，滋味無窮。
之後上枱的是「原個椰皇濃湯燉花膠」，食材非常豐富，內有螺頭、赤肉、雞肉及椰子等，湯底清甜又滋潤，帶有濃郁的椰子香味，厚身花膠蘊含豐富膠原蛋白，與椰香