影片
更多
2023-12-11
48 瀏覽
💫RestoranSAYA💫呢間餐廳主打泰國菜，嚟到先發現啲員工似係泰國人，夠哂地道🇹🇭，所以要用英文同佢哋溝通，佢哋態度都好nice！餐廳環境氣氛都好好，vintage得嚟，又有泰國風味，又有聖誕氣氛🎄有2人枱、4人枱、高枱咩都有，非常適合拍拖或者同朋友傾計！今次主要食蟹，滿有驚喜啊😆🦀蟹肉奄列 🦀Menu寫住Special就試試佢，佢並唔係茶餐廳嘅奄列薄切切，佢份量好大好厚，切開熱辣辣出哂煙，裡面有好多蟹肉，好足料！夾埋伴碟嘅檸檬葉、辣椒仔同炸蒜一齊食，蟹味更出！🦀泰式咖喱蟹汁軟殼蟹 🦀同樣係熱辣辣上枱，咖哩汁夠驚喜，唔係水稀稀，而係比較杰身，相信係蟹汁足料，配菜都好足料，本身好怕三色椒嘅草腥味，都怕佢太生，但佢嘅配菜吸哂啲咖哩汁，好入味，怕草腥味嘅大家就唔驚了！重點嘅軟殼蟹炸粉唔厚👍🏻旁邊嘅蒜蓉包先係最驚喜！好好味！好軟熟，好新鮮，食得出唔係隔夜麵包，送咖哩汁一流！食完鹹，點少得醫埋第二個胃呢～😆🥭芒果糯米飯 🥭以為佢會雪凍咗上，點知係暖暖地上，所以唔會凍冰冰硬掘掘！以為冬天食芒果會好酸，點知好甜！本來好驚啲糯米飯可能會好硬難消化，但今次啲糯米飯做得好好，好軟糯～🍹柚子菠蘿梳打
呢間餐廳主打泰國菜，嚟到先發現啲員工似係泰國人，夠哂地道🇹🇭，所以要用英文同佢哋溝通，佢哋態度都好nice！餐廳環境氣氛都好好，vintage得嚟，又有泰國風味，又有聖誕氣氛🎄有2人枱、4人枱、高枱咩都有，非常適合拍拖或者同朋友傾計！
今次主要食蟹，滿有驚喜啊😆
🦀蟹肉奄列 🦀
Menu寫住Special就試試佢，佢並唔係茶餐廳嘅奄列薄切切，佢份量好大好厚，切開熱辣辣出哂煙，裡面有好多蟹肉，好足料！夾埋伴碟嘅檸檬葉、辣椒仔同炸蒜一齊食，蟹味更出！
🦀泰式咖喱蟹汁軟殼蟹 🦀
同樣係熱辣辣上枱，咖哩汁夠驚喜，唔係水稀稀，而係比較杰身，相信係蟹汁足料，配菜都好足料，本身好怕三色椒嘅草腥味，都怕佢太生，但佢嘅配菜吸哂啲咖哩汁，好入味，怕草腥味嘅大家就唔驚了！重點嘅軟殼蟹炸粉唔厚👍🏻旁邊嘅蒜蓉包先係最驚喜！好好味！好軟熟，好新鮮，食得出唔係隔夜麵包，送咖哩汁一流！
食完鹹，點少得醫埋第二個胃呢～😆
🥭芒果糯米飯 🥭
以為佢會雪凍咗上，點知係暖暖地上，所以唔會凍冰冰硬掘掘！以為冬天食芒果會好酸，點知好甜！本來好驚啲糯米飯可能會好硬難消化，但今次啲糯米飯做得好好，好軟糯～
🍹柚子菠蘿梳打 🍹
🍹紅莓荔枝梳打 🍹
兩杯嘢飲都不錯，唔會死甜，係清甜，有果肉~
張貼
