捌加廿陸天婦羅居酒屋 (已結業)

位於尖沙咀的小店，主打天婦羅嘅居酒屋，餐廳設計充分展現了日式風味。雖然店舖面積不大，但木質裝潢、柔和的燈光營造出溫暖、舒適的氛圍，一入門口已經感受到濃濃的日本風。自選的天婦羅定食，可於餐牌上自選各天婦羅炸物，配以米飯、烏冬及蕎麥麵選擇。其中要特別讚吓非常出色嘅軟殼蟹，炸得金黃且鮮味十足；而廣島蠔同樣高質，充滿鮮味。另外半熟蛋亦都係必食之選，一口咬落去呈流心狀態，令人驚喜。另一款點咗特盛海鮮天丼（$118），食材亦十分豐富，包兩隻大型蝦、鮮嫩的廣島蠔、鮮帶子、蝦膠等，食材新鮮美味，炸得非常鬆脆且口感豐富。雞皮餃子（$48）亦係必食之選，香脆的外皮包裹著多汁的餡料，雞皮帶油脂香味，鍾意食餃子嘅朋友一定要試吓。