靠得住粥麵小館 (形點 II)

營業中

休息中

聽到靠得住都知道出名食粥品，點知原來食中菜都甘出色。首先試左前菜先，麻辣小黃瓜同客家風味酸蘿蔔好惹味，兩者都夠晒爽脆。豬腰豬潤：雖然係白灼，但甘先能夠突出到豬腰豬潤本身味道，一個字，爽！心肝寶貝粥：生滾過既粥始終都好食好多，老人家食到唔停口。酸菜魚：好大盆，份量都幾多，條魚又夠大條，最緊要仲係肉質滑嫩，少骨。料頭十分足夠。下一味客家北菇紅炆豬肉不得了，上台都嘩嘩聲，擺盤夠靚，而且好細心用熱蠟燭興住，保持熱度。豬肉十分之入味，但唔會鞋拾拾！東江鹽焗雞：令人印象深刻既鹽焗雞，沒有多餘脂肪，肉質鮮嫩！魚湯海味粉絲雜菜煲：清清甜甜好適合當湯飲，菜仍然保持翠綠。