叠記咖喱

之前喺澳門已經食過叠記咖喱，知道佢嚟咗香港開分店，所以即刻去試下。我哋叫咗叠記咖喱三寶飯(牛腩、雞扒、豬扒)， 咖喱味非常充足，香辣惹味，好有葡色咖喱嘅獨特風味，牛腩雞扒豬扒份量都好足料，好大碗，食完好滿足。如珠如寶麵(豬手、豬皮、豬紅、豬頸肉)，叫咗橡筋麵配滷水汁，好香蒜味，麵非常索汁，鹹甜兼備。豬皮爽口，豬紅有質感，唔會一夾就散。瑞士汁豬頸肉 好淋又有咬口，同瑞士汁好夾。飲品方面 叫咗一公升檸檬茶，同埋柑桔檸檬梳打。 檸檬茶超大杯，就算食再辣嘅咖喱都足夠解辣。酸度充足，味道平衡，估唔到餐廳喺飲品方面一啲都唔馬虎。