叠記咖喱

澳門超級紅的咖喱牛腩 是老字號印象最深刻的 就是這裏辣 真材實料人均幾十元 性價比不錯一般人建議 微辣 咖喱牛腩飯 $48都係屬於平價 甚至平過唔少快餐店招牌菜「祖傳咖喱牛腩」我覺得辣少少會好食啲 。味道同喺澳門食分別唔大如果唔鍾意食辣 可以揀滷水汁 當然咖喱會比較惹味-另外 推薦呢度嘅麵食，因為呢度嘅都叫做「橡筋粗」「橡筋幼」麵條有彈性另外仲可以加配料好似一般車仔麵咁-牛腩香經過長時間的炖煮 入味又可以保留到本身的咀嚼感份量完全對得住呢個價錢如果胃口比較大 可以加餸所以我另外加咗碗餃子 印象中30幾蚊價錢合理 大大隻 食得出係手包唔係.來貨 滿意我就會撈落咖喱一齊食瑞士雞翼 正常發揮 滷水汁唔錯糧尾的好朋友 咖喱牛腩飯 有肉有菜$48 想點 重點，佢幾細心，會分開咖喱汁上因為怕撈埋埋一齊就會 太辣驚喜！我更鍾意食牛筋 但係唔可以食太多如果唔係會好膩 飲品加$9 凍檸茶OK 大杯

夜晚餓餓哋又唔想煮飯，入咗間麵店食。餐廳由澳門過嚟，主打咖喱牛腩，另外有多款唔同種類嘅麵食、飯、小食等供應。最多人叫應該係佢哋嘅雙拼麵，可以自行選擇麵條，配菜，醬汁等，唔夠飽嘅亦可以再加麵底同埋主食。雙拼麵要咗河粉，軟硬程度適中，湯底本身無味道，所以一定要選擇醬汁，滷水汁、腩汁、瑞士汁，個人最鍾意後者，味道最濃郁，鹹中帶甜。配料方面有豉汁牛腩同牛筋，牛味突出，唔嚡，牛筋爽口，而且幾入味。必點炸豬扒，炸至酥脆，薄切，鹹香味十足，越食越過癮，一塊絕對唔夠食。菜品方面有蘿蔔同生菜，新鮮，鮮甜，無渣，唔錯。水餃就有兩粒，皮薄餡靚，可以試試。

lunch買外賣返office食，行過見到呢間改自己個名做乜乜咖哩，諗住差極有個譜，點知有d嘢原來真係可以差到離哂譜，首先d牛腩又乾又鞋又柴又硬又韌，口感好似食緊湯渣咁，個汁一d咖哩味都冇，又稀又死辣，本人係食得辣之人都接受唔到佢果種唔識形容嘅死竦味，再黎就係咖哩牛腩飯居然冇薯仔而係用咗完全唔啦更嘅生菜墊底，生菜加埋果d唔係咖哩味嘅死辣汁水，一條菜都吞唔落，最後食咗兩啖(如圖)已忍唔住成盒扔咗，之後就餓到放工，本人甚少給差評及絕非浪費食物之人，但差成咁真心有責任提醒下。

心目中一直想吃那種夠多汁味濃郁好送飯嘅咖哩，可惜我誤會了😌入到去坐低睇完餐牌有感出事了，當吃了第一口時已知道唔對路，再吃發現係完全唔係路。我心諗我應該入錯左地方，我應該唔係想食呢種咖哩😌

傳承三代，有70多年歷史嘅澳門咖喱食店，叠記咖喱在香港太子開咗分店，梗係要過嚟試吓！餐廳地方潔淨高雅。主打傳統橡筋面，以及各種以咖喱為主的菜式。如珠如寶麵有多款餸菜：南乳豬手炆至軟淋入味，入口充滿骨膠原。豬皮口感Q彈。豬紅滑溜入味。豬頸肉口感鮮嫩帶脆湯底加左滷水汁，但唔會過咸，橡筋粗吸收湯汁，彈牙又美味！嗱喳麵餸菜更豐富：有豬腸、豬皮、豬紅、魚蛋、蘿蔔、生菜。豬腸乾淨冇異味，炆得夠林好入味。魚蛋彈牙，其他都好入味，橡筋幼沾滿加咗秘製辣汁嘅湯底，辣辣哋超惹味。小食：四寶豬份量都好多。有豬紅、豬皮，豬手、豬軟骨，全部都好入味，尤其係豬軟骨燜得非常入味及軟腍，令人回味無窮。凍華田和凍奶茶都夠味，不會過甜。

呢間1947年已經創辦嘅餐廳，真係夠曬歷史，最出名就係食咖喱，喺香港都有幾間分店。叫咗兩款雙拼麵，咁就可以試多啲餸，佢有款好特別嘅麵，叫橡筋幼同橡筋粗，食落比一般嘅面比較彈牙，完全冇鹼水味，值得一試。撈粗叫左麻辣BB辣，平時我都幾食得辣，但呢個BB辣竟然對於我嚟講係啱啱好，所以唔食得辣就記得唔好叫啦，不過鍾意食辣嘅朋友，就一定食得好過癮。呢度咁出名咖喱，我另外叫咗一款祖傳咖喱牛腩（$98），食落有獨特嘅藥材味，同一般咖喱完全唔同喔。

去花園街買花順便附近搵食叠記咖哩，話係澳門77年老字號😋聽講牛腩牛雜都好出色牛三代咖哩牛腩、牛筋、牛肉米粉配招牌咖哩汁，牛腩、牛筋都炆得好入味，有咬口，牛腩掌肥瘦適中，牛肉夠嫩滑有口感😋蘿蔔冇渣夠林，咖哩汁好好味唔會好咸嗱喳面豬腸、豬皮、豬紅、魚蛋、蘿白粗面 ，鹵水豬腸、豬皮鹵得好入味，煮得好林另外加一個小食，淨水餃🥟皮薄，餡多😋叫面加幾蚊就可以配飲品🥤都好抵食而且咖哩味好好味😋下次經過會再食

在網上見到很多差評，本身並不考慮去嘗試呢間「過江龍」，但係看見他在這個環境也願意在香港立足，勇氣可加，所以給他一個嘗試！垃圾都係一次啫果然網上的說話不能盡信，我不是一個專業食評價或者食家，但我直接講 我覺得好好食！1~食物質素我老公食咗辣魚豬扒包，我叫左一個四餸麵，個包份量足（如圖），我個麵叫左中辣，湯底好鮮，咖喱好香辣味十足。反正就係我哋兩公婆都好鍾意食❤️2~餐廳環境相比起其他車仔麵座位舒適，冷氣夠凍3~服務態度幫手落單嘅姨姨好有禮貌，但係可能對餐牌未夠熟悉總結～唔錯，有下次

叫了簡單嘅咖哩薯仔雞翼飯，仲以為可以好好食一餐澳門疊記咖哩… 點知…咖哩，好明顯係落辣椒油做嗰個辣味，完全冇咖哩嘅香味；啲薯仔一啲都唔入味，畀我感覺就是白水灼熟之後淋上“咖哩”汁；雞翼更加唔使講… 失望！

佐敦新開咗， OpenRice而家未有，真係未食過咁難食嘅咖喱車仔麵，一尾死辣 又唔香，都唔好講佢難唔難食 員工態度極惡劣，隔籬枱可以人手落單，死都要我QR code落單，都唔緊要，仲要落雨要我擺把遮喺遮架，把遮唔見咗俾人拎咗，串我叫我打電話報警先可以幫到我🤷🏿‍♀️

Google 啲好評 全部都係為咗免費嘢飲!👎🏻👎🏻根本就超難食 啲湯好似水咁完全冇咖喱味得個辣字啲牛腩超級痴牙全部好似煲湯瘦肉咁咖喱魚蛋係就咁用啲魚蛋跟住落啲咖喱水浸住唔係汁 完全冇味 究竟點樣可以標榜sell咖喱 好差！ 真係是但一間快餐店都好食過佢100倍

食開澳門幾間好多次，香港店試左幾次完全不合格，得個裝修同外賣包裝keep 到，咖喱簡直走樣、面質橡根衰過出面粉麵檔，大部分食材下午茶包應該係出面拎行貨，開係咁多選擇太子其實好難做⋯不會再幫襯服務其實好一般 - 無人介紹，十問九唔知，無老撾板無人管理，淨係得阿姐餐牌變哂樣-港式車仔麵仲多選擇，全部玩雜錦，最新什麼雜丸面，全部行貨野加汁，睇唔到有幾特別咖哩牛什 - 牛雜唔新鮮加上霉，香港巿場唔同澳門果種大陸牛雜底，好貴完全唔值

行經太子幾次，見到呢間新開咖喱專門店，今日終於去試吓，店員服務態度好好，但係食物質素認真麻麻。自己招牌寫住係咖喱專門店，但係咖喱食物非常少，只得牛腩、雞翼、同魚蛋，啲咖喱好似湯一樣稀，啲牛腩好似煲湯瘦肉咁，價錢唔算貴，但真係好難食，大家樂都好食過佢，仲話係祖傳祕方……？！真係好想問吓佢個祖先究竟知唔知咩係咖喱😓，咁嘅嘢都夠膽拎得出嚟賣。感覺澳門好多所謂美食都名過其實，過嚟香港開嘅水準更加差，都係寧願支持返本地美食好過。

經過太子特登試一試這間澳門咖哩！本來點了一個咖哩撈麵！點知他們誤會咗意思做咗個醬油撈麵另上咖哩汁！雖然他說可以更換但本像不要浪費的原則照食！但效果與想像差很遠！開頭以為是因為撈麵醬油再加咖哩汁的緣故！但再食咗佢本身咖哩牛腩和咖哩雞中翼都唔入味！就覺得和在澳門食差很遠！99蚊一個麵一支可樂性價比唔高！覺得去食本地的車仔麵更化算更好味不過很多在內地和澳門到香港開業的食店也是味道比原地差！希望本土的食店繼續爭氣！支持香港美食！

QR code落單，很方便，落單時可以揀唔同程度的辣度，又可以揀少飯或正常飯，可以加錢換小食和餐飲⋯可惜佢沒有得選擇少薯仔和多汁😩我叫咗個咖喱雞中翼飯，小小的碗承載着五大嚿薯仔和三小隻雞翼可惜⋯薯仔唔夠腍，又唔入味，雞中翼又嚡又實，好難想像如何可以將雞中翼整到咁實⋯咁嚡嘅雞翼⋯真係大家樂都好食過佢😩😩😩