泰中意 (已搬遷) 新店位置

之前返屋企行過見到呢間餐廳，夜晚七點幾座無虛席😜一路心思思想嚟食，尋晚終於同朋友試咗。首先講吓小食，沙嗲豬串雞串燒都烤得外脆內嫩，醃得好入味，配上濃郁嘅沙嗲醬一絕👍🏻香葉肉碎生菜包都好食，同坊間食到嘅有啲唔同，炒得比較乾身冇咁油，層次豐富，令人食指大動😎馬拉盞炒椰菜苗夠鑊氣，馬拉盞又夠鹹香😊講到最推介都係大頭蝦冬陰功湯，啲蝦好新鮮，啲蝦膏好鮮味，湯夠熱，調味適中，真係好似我上次去泰國飲嘅咁正宗😋舔舔脷。總結，估唔到屋企附近有一間咁高質嘅餐廳，以後諗唔到食咩一定會經常過嚟食。